ÜRƏYİNİZİ KÖNÜL RAHATLIĞI İLƏ PEŞƏKAR KARDİOLOQ VƏFA HƏSƏNOVAYA ƏMANƏT EDİN

Ürək döyüntülərimiz bizə sübut edir ki, biz yaşayırıq, məcazi mənada desək, ürəyimizin ritmi bizim həyat melodiyamızdır. Qəlbimiz döyündüyü müddətcə biz varıq, bu səbəblə də ürəyimizi qorumaq bizim üçün çox vacib olmalıdır. Orqanizmanın ən mürəkkəb orqanını qorumaq əslində elə də çətin məsələ deyil. Bunun üçün bir neçə qızıl qayda var ki, onlara riayət eləmək lazımdır: düzgün qidalanma, aktiv həyat tərzi, tütün və alkoqoldan uzaq durmaq, stressdən qaçmaq. Amma bunlarla yanaşı ən önəmli amil vaxtı-vaxtında yoxlanışlara getmək, həkim qəbulunda olmaqdır. Çünki ürək-damar xəstəliklərinin vaxtında müəyyən olunması ömrü uzadır. Sizə qalan savadlı, peşəkar həkim tapmaqdır. Məqaləmizin qəhrəmanı da həmin siyahıda ön sırada yer alan həkimlərdən biridir. Həkim-kardioloq Vəfa Həsənova Tofiq qızı sizin axtardığınız həkimdir. Kimya-Biologiya təmayüllü liseydə orta təhsilini bitirdikdən sonra 630 balla 2004-cü ildə Azərbaycan Tibb Universitetinin Müalicə-profilaktika II fakultəsinə qəbul olmuşdur. Təhsil Alan Vəfa xanım, 6 illik tibb təhsili və üstəgəl 1 illik internaturanın ardından kardiologiya ixtisasını seçir. Fəaliyyətinə özəl sektorda başlamış, bununla belə özünü təkmilləşdirmək üçün də daim hərəkətdə olmuşdur. Vəfa həkim 2016-cı ildə Ankara şəhərində Hacettepe Universitetində kardiologiya üzrə 7 aylıq ixtisasartırmada olur. Geri döndükdən sonra o, fəaliyyətinə Zərifə Əliyeva adına Göz İnstitutunda kardioloq olaraq davam edir. Buradakı 2 illik fəaliyyətindən sonra Vəfa həkim Neftçilər xəstəxanasına keçmək qərarı alır. O istəyir ki, ona müraciət edən xəstə sayı daha çox olsun, daha çox insana kömək edə bilsin, bir-birindən fərqli halları müşahidə etmək imkanı yaransın. Bunun səbəbi Vəfa xanmın hər zaman ən çətin olanı seçməsidir, kardiologiyanı seçmək də buna nümunədir. O, kardioloq olmaqdan nəinki bir an olsun peşmanlıq duyur, əksinə bu qərarı ilə hər zaman fəxr etmişdir. Vəfa xanımın həkimliyə olan böyük sevgisi anasından ötürülmüşdür ona. Vəfa xanımın anası baş həkim vəzifəsində fəaliyyət göstərir. Gözəl həkimimiz də hər zaman anasını özünə ideal olaraq götürmüşdür, onun kimi savadlı, anlayışlı bir həkim olmaq üçün çalışmışdır. Çünki həkimin tək savadlı olması ilə iş bitmir. Həkim həm də qayğıkeş, vicdanlı olmalıdır. Xəstə ilə psixoloji söhbət aparmağı bacarmalı, içində olduğu situasiyanı ona yüngülləşdirərək izah etməyi bacarmalı, onun ruhdan düşməsinə yol verməməlidir.
Artıq 2020-ci ildən bu yana Mediland Hospitalda fəaliyyət göstərən Vəfa həkim Exo KQ, EKQ, Stress test, Sutkalıq holter müayinə üsulları ilə istənilən növ ürək xəstəliklərinin müayinə və müalicəsi ilə məşğul olur. Vəfa həkim həm də Azərbaycan, Türkiyə və Avropa Kardiologiya Cəmiyyətinin üzvüdür. Bu vəsilə ilə o bir çox layihədə yaxından iştirak edir. Bu onun üçün çox önəmli prosessdir. Vəfa xanım peşəsində hələ də qət etməli olduğu yolu olduğunu düşünür. Bunlardan biri də onun bütün yeniliklərlə yaxından tanışlığı, Ürək KT, MRT kimi sahələrdə ixtisaslaşmağı düşünür. Bütün bunlar ondan həm vaxt, həm də zəhmət tələb etsə də, Vəfa xanımın gözünü qorxutmur bütün bunlar. Çünki o sevdiyi peşənin icraçısı, ona müraciət edən xəstələrin qəhrəmanıdır. İllər keçəcək və Vəfa həkim ixtisasında elə yerlərə gələcək ki, bu onun xəyallarından, məqsədlərindən də daha yuxarıda, daha ali bir mövqe olacaq. Bizim məqaləmiz isə onun şərəfli peşə yolunun bir göstəricisi olaraq qalacaq.

Telegramda izləyin