Depozit hesabı, bank kartı və elektron pulqabı: pulu hansında saxlamaq daha sərfəlidir?

Deyirlər ki, pulu xərcləmək qazanmaqdan daha çətindir, saxlamaq isə ən çətinidir. Siz də pul vəsaitlərinizi harada saxlamağa qərar verməmisinizsə, yeni yazımız suallarınıza cavab tapmaqda yardımçı ola bilər.

Elektron pulqabılar

Elektron pulqabılar və ya e-pulqabılar pul vəsaitlərinizi saxlaya və idarə edə biləcəyiniz rəqəmsal hesablardır. Bu ödəmə vasitələri onlayn əməliyyatlar, ödənişlər və hətta investisiyalar üçün rahat imkanlar təklif edir. Bəzi elektron pulqabılar bir sıra üstünlüklərlə yanaşı, keşbek və rahat funksiyalar özəlliyi ilə də seçilir. Məsələn, PashaPay-in m10 tətbiqi daxilində bütün ödənişlərdə, həmçinin müxtəlif aptek və marketlərdə QR ödənişləri etməklə 2% keşbek əldə edə bilərsiniz. Əgər gündəlik həyatda mobil telefondan bütün işlərdə istifadə edirsinizsə, elektron pulqabılar tam sizə uyğundur.

Depozit hesabları

Depozit və ya əmanət hesabları həm pul saxlamaq, həm də gəlir əldə etmək istəyənlər üçün ideal seçimdir. Belə ki, siz manat vəsaitlərinizi ölkənin müxtəlif banklarında depozit hesabına yatırmaqla illik 11% ətrafında gəlir əldə edə bilərsiniz. Bu, pullarınızı saxlamağın ən təhlükəsiz yollarından biri olsa da, diqqət etməli olduğunuz məqamlar var. Məsələn, seçim edərkən daha etibarlı banklara üstünlük verməyə çalışın və əmanətlərin sığortalanması barədə məlumat alın. Onu da qeyd edək ki, 2023-ci il, 1 fevral tarixindən etibarən faiz gəlirlərinə 10% vergi tətbiq olunur.

Bank kartları

Pullarınızı debet və ya kredit kartlarında saxlamaqla rahat ödəniş və nağdlaşdırma imkanı əldə edəcəksiniz. Bank kartları pul vəsaitlərini uzun müddət saxlamaq üçün nəzərdə tutulmasa da, onlar hər zaman əlinizin altında olur. Bəzi banklar (məsələn, Yelo Bank, ATB, Rabitabank) kartdakı qalıq məbləğə uyğun olaraq müəyyən faiz ödənişləri edir, digərləri isə (məsələn, Kapital Bank, ABB, Unibank) ödəniş və digər əməliyyatlara görə daxili bonuslar və keşbek təqdim edir.

Sonda seçim etmək sizə qalır. Qərar verərkən tələsməyin, maliyyə hədəflərinizi müəyyənləşdirin, riskləri götür-qoy edin və öz rahatlığınızı nəzərə alın.

https://www.shutterstock.com/image-photo/azerbaijan-manat-money-hand-2148838299
https://www.shutterstock.com/image-photo/bank-building-362054459
https://www.shutterstock.com/image-photo/rome-italy-feb-17-2017-illustrative-597146837
https://www.shutterstock.com/image-photo/paying-through-smartphone-using-nfc-technologycustomer-2034152801

Telegramda izləyin