"WhatsApp" hesabınızın sındırıldığını necə bilmək olar?

"WhatsApp" hesabının sındırıldığını dəqiq müəyyən etmək mümkün deyil. Bununla belə, dolayı əlamətlərlə messencerdəki hesab məlumatlarının oğurlandığını təxmin etmək olar.

Lent.az xəbər verir ki, bununla bağlı informasiya təhlükəsizliyi üzrə mütəxəssis Mariya Fesenko bir neçə məlumat yayıb.

Belə ki, aşağıdakı əlamətlər hiss edilirsə, "WhatsApp" hesabı sındırılmış ola bilər.

"Whatsapp" proqramı donması;

Tətbiqin təsadüfi yenidən yüklənməsi;

Müdaxilə və kənar zəng səsləri;

Artan internet trafiki;

Smartfonun batareyasının həddindən artıq xərclənməsi və həddindən artıq istiləşməsi.

Ekspertin sözlərinə görə, "WhatsApp" hesablarının sındırılmasına fişinq səhifələri vasitəsilə smartfonlara nüfuz edən zərərli proqramlar kömək edir.

"Potensial telefon dinləməsini dayandırmağın ən yaxşı yolu proqramı silmək və ümumiyyətlə həssas məlumatların sızması riskini minimuma endirməkdir",- deyə Fesenko bildirib.

Ekspertin fikrincə, həm "WhatsApp" işçiləri, həm də rəhbərlik və hakerlər potensial olaraq messencer istifadəçilərinə casusluq edə bilərlər. Birinci halda, Fesenkonun fikrincə, müşahidənin qarşısını almaq demək olar ki, mümkün deyil. Bundan əlavə, əgər şəxs xüsusi xidmət orqanlarının və ya "superhakerlərin" hədəfinə çevrilibsə, özünüzü telefon dinləmələrindən qorumaq çətin olacaq.

Telegramda izləyin