Paşinyan Rişi Sunakı Böyük Britaniyanın milli günü münasibətilə təbrik edib

Ermənistanın Baş nazir Nikol Paşinyan Böyük Britaniya və Şimali İrlandiya Birləşmiş Krallığının baş naziri Rişi Sunaka Böyük Britaniyanın milli günü münasibətilə təbrik məktubu göndərib.

Sonxeber.az xəbər verir ki, bu barədə erməni mətbuatı məlumat yayıb.

"Zati-aliləri, ölkənin milli bayramı, Kral III Karlzın doğum günü münasibətilə Sizi və dost Böyük Britaniya xalqını ürəkdən təbrik edirəm. Mən şadam ki, son vaxtlar Ermənistan-Britaniya münasibətlərində müsbət dinamika müşahidə olunur və bu kontekstdə Ermənistan tərəfinin öhdəliklərinə sadiqliyini bir daha təsdiq edirəm. Səmimiyyətlə ümid edirəm ki, bu yaxınlarda elan edilmiş Ermənistan-Böyük Britaniya strateji dialoqu perspektiv istiqamətlərdə ikitərəfli əməkdaşlığın genişləndirilməsi üçün mühüm və praktik platformaya çevriləcəkdir.Qəbul edilmiş islahatlar gündəliyinin həyata keçirilməsi kontekstində Ermənistan hökuməti, biz Böyük Britaniyanın davamlı dəstəyini yüksək qiymətləndiririk və bunun davamlı xarakter daşıyacağına tam ümid edirik. Sizə möhkəm cansağlığı, dost Böyük Britaniya xalqına firavanlıq arzulayıram", - deyə Ermənistanın Baş naziri bildirib.

Telegramda izləyin