Bu ölkədə anomal istilərə görə 8 nəfər öldü

Meksikanın şimal-qərb və cənub-şərqində mövsüm normalarından bir neçə dərəcə yüksək olan istilər insan itkisinə səbəb olub.

Bu barədə Meksika Səhiyyə Nazirliyi məlumat verib.

Açıqlamada, onlarla insanın günvurma səbəbilə xəstəxanaya müraciət etdiyi və onlardan 8-nin dünyasını dəyişdiyi bildirilib.

Anomal istilər xüsusilə Sonora, Veracruz, Quintana Roo və Oaxaca əyalətlərində daha təsirlidir.

Bu hava şəraitini bir neçə gün daha davam edəcəyi gözlənilir.

Meteoroloqlar günorta saatlarında günəşin düz bucaq altında vurduğu üçün çox zərurət olmadıqda çölə çıxmamağı tövsiyə edib.

Haızrda temperatur müsbət 40 dərəcəni keçib.

Bu, son illər Meksikada yaşanan ən isti hava şəraitidir.

Bakupost.az

Telegramda izləyin