Şəkidəki hadisə Ermənistanda generalın istefasına səbəb oldu: Növbə MN-dədir

Zəngəzurun Şəki kəndində saxlanılan azərbaycanlı hərbçi Nəsimi Musayevlə bağlı hadisə Ermənistanın hərbi qurumlarında istefaların başlamasına səbəb olub.

Oxu.Az-ın xəbərinə görə, bu barədə Ermənistanın "Hraparak" nəşri yazıb.

"Hadisədən bir neçə gün sonra ilk istefa baş verdi - Milli Təhlükəsizlik Xidmətinin direktor müavini, general-mayor David Sanamyan vəzifəsindən ayrıldı. Onun məsuliyyət zonasına qismən Milli Təhlükəsizlik Xidməti Sərhəd Qoşunlarının fəaliyyətinin koordinasiyası (əlaqələndirilməsi) daxildir. Lakin mənbələrimizin məlumatına görə, yaxın zamanda həmçinin Müdafiə Nazirliyində və digər strukturlarda da istefalar baş verə bilər", - deyə materialda bildirilib.

Xatırladaq ki, Azərbaycanlı hərbçi naməlum şəraitdə Ermənistan ərazisinə keçib. Oktyabrın 1-də yerli vaxtla saat 14:15-də Zəngəzurun Şəki kəndində Azərbaycan əsgəri Ermənistan təhlükəsizlik orqanları tərəfindən saxlanılıb.

Telegramda izləyin