"Ermənistanın bu zavodu inşa etməkdə məqsədi sülh danışıqları ilə bağlı əldə olunan irəliləyişi əngəlləməkdir" - DEPUTAT

"Ermənistan bu gün də beynəlxalq hüququn təməl prinsiplərini pozmaqda davam edir".

Bunu Sonxeber.az-a danışan deputat İqbal Məmmədov bildirib.

Deputat qeyd edib ki, Ermənistan Azərbaycanla sərhədinin 500-600 metr yaxınlığında iri metallurgiya kombinatının tikintisinə başlayıb.

"Ermənistan bu tikintiyə başlamazdan əvvəl həmsərhəd ölkə kimi Azərbaycanın da razılığını almalı idi. Azərbaycanın razılığı olmdan bu zavodu tikməklə Ermənistan növbəti dəfə beynəlxalq hüquq normalarını kobud şəkildə pozmuş oldu. Hesab edirəm ki, Ermənistanın bu addımı iki ölkə arasında münasibətləri yenidən gərginləşdirməyə xidmət edir".

Deputat vurğulayıb ki, Ermənistanın bu zavodu inşa etməkdə məqsədi Azərbaycanın ekoloji mühitinə zərər vurmaq və sülh danışıqları ilə bağlı əldə olunan irəliləyişi əngəlləməkdir:

"30 il ərzində Ermənistan bu cür təxribatları danışıqlar prosesini uzatmağa və mövcud status-kvonu qoruyub saxlamağa çalışıb. Lakin 44 günlük Vətən müharibəsində Azərbaycan Müzəffər Ordusu Ali Baş Komandan İlham Əliyevin rəhbərliyi düşmənin və onun himayədarlarının bütün planlarını pozaraq ərazi bütövlüyümüzü bərpa etdi. Bu gün də yaxşı olar ki, Ermənistan ağlını başına yığaraq 44 günlük Vətən müharibəsindəki biabırçı məğlubiyyətindən nəticə çıxarsın və Azərbaycanın səbrini daşıracaq təxribatlara əl atmasına".

Telegramda izləyin