"Makron yaxşı olardı ki, Azərbaycana məsləhət vermək əvəzinə öz xalqının qayğısına qalsın" - DEPUTAT

"Makron prezident kimi öz nüfuzunu çoxdan itirib".

Bunu Sonxeber.az-a danışan deputat Cavanşir Paşazadə deyib.

Deputat qeyd edib ki, 44 günlük Vətən müharibəsi bizə dost kimi görünən bir neçə ölkənin əsil simasını göstərdi:

"Eləcə də Fransanın. Bu ölkənin prezidenti Emmanuel Makron verdiyi sərsəm açıqlamaları ilə regionda vəziyyəti yenidən gərginləşdirməyə çalışır. Ümumiyyətlə Makronun mətbuata verdiyi açıqlamalarında azərbaycanofobiya və islamofobiya açıq görünür. Məqsəd isə məlumdur. Sülh müqaviləsinin imzalanmasını mümkün qədər ləngitməkdir. Lakin Ermənistanın və Fransanın bu planı da baş tutmayacaq. Bu gün diqtə edən tərəf Azərbaycandır. Gec-tez Ermənistan sülh müqaviləsini imzalamağa məhkumdur".

Deputat vurğulayıb ki, Fransanın ən uğursuz prezidenti Emmanuel Makrondur:

"Fransada son günlər baş verənlər göstərdi ki, Makron xalqı arasında da etimadını çoxdan itirib. Bu ölkədə baş verən son qətl hadisəsi bizi təəccübləndirmədi. Çüki Fransada irqi ayrı-seçkilik zəmində insanların döyülməsi və öldürülməsi adi hal alıb. Makron yaxşı olardı ki,Azərbaycana məsləhət vermək əvəzinə öz ölkəsinin və xalqının qayğısına qalsın. Bu gün Azərbaycan yeganə ölkələrdən biridir ki, irqi ayrı-seçkilik yoxdur. Dinindən, dlindən, irqindən,dərisinin rəngindən asılı olmayaraq hər kəs Azərbaycanda təhlükəsiz və qorxusuz yaşayır. Əlbəttə biz bunu ulu önədr Heydər Əliyevin kursunu uğurla davam etdirən cənab prezident İlham Əliyevə borcluyuq. Onun apardığı uğurlu siyasət nəticəsində bu gün ölkəmizdə sabitlik və firəvanlıq hökm sürür".

Telegramda izləyin