"Selin yaşayış məntəqələrinə təsirini azaltmaq mümkündür"- Çingiz İsmayılov

İstiqamət: Ekologiya və ətraf mühitin mühafizəsi
Son zamanlar Azərbaycan regionlarında sel fəlakəti müşhidə olunur.

Ekoloq, professor Çingiz İsmayılov Sonxeber.az-a bildirib ki, selin qarşısını almaq mümkün olmasa da, təsərrüfata, yaşayış məntəqələrinə təsirini azaltmaq mümkündür:

"Sel təbii fəlakətdir. Onun qarşısını almaq mümkün deyil. Amma təsərrüfata, yaşayış məntəqələrinə təsirini azaltmaq mümkündür.
Birincisi, çay hövzələrində müxtəlif tikinti materialları, qum, çınqıl daş əldə etmək üçün özəl sirkətlər fəaliyyət göstərir. Bu şirkətlər nəzarət altında olmalıdır. Tikinti materialları daşınır və çayın təbii mənsəbini pozur. Nəticədə daşqın olanda dağıdıcı təsir artır.

İkincisi, təbii ki, seli proqnozlaşdırmaq çətindir, amma illər ərzində aparılan müşahidələr nəticəsində hansı dövrdə intensiv olmasını proqnazlaşdırmaq mümkündür. Bu dövrlərdə orada mühafizəçi bəndlər yaradılmalıdır.Müəyyən edilməlidir ki, bu bəndlər harada yaradılmalıdır. Əraziyə mütəxəssislər cəlb olunmalıdır. Bu işlər aparılmır. Bunun üçün də ziyan dəyir, sonra dəfələrlə çox vəsaitlər xərclənir. Daşqının qarşısını almaq mümkün deyil, ancaq təsərrüfata, əkin sahələrinə, yaşayış məntəqələrinə ziyanını azaltmaq mümkündür. Dövlət strukturları bunun üçün nəzarət aparmalıdır".

Material Azərbaycan Respublikasının

Şəbnəm Lətifi

Telegramda izləyin