PƏRVİZ BAĞIROV AZƏRBAYCANDA TATTOOYA YENİ BAXIŞ GƏTİRƏCƏK

Dünyada incəsənətə çevrilmiş tattoo peşəsi ölkəmizdə də inkişaf etməyə başlamışdır.
Çoxları tattoonu müasirlik rəmzi hesab etsə də, əslində tattoonun tarixi çox qədimlərə gedir, ən qədim dövrlərdə ibtidai insanlar dini inanclarına görə, mənsub olduqları qəbiləni göstərmək üçün tattoodan istifadə edirdilər. Hətta Misirdə ən qədim piramidalardakı mumyalarda da tattoolar aşkarlanmışdır.
Beləliklə məlum olur ki, tattoo əslində çox qədim mədəniyyətin bir parçasıdır. Tattoo insanın azadlığının, fərqliliyinin onun bədənində əks olunmuş simvoludur. Tattoo etdirərkən bir çox nüansa diqqət edilməlidir, bunlardan ən önəmlisi isə peşəkar tattoo ustasına müraciət etməkdir. Peşəkar tattoo ustasını necə tapa bilərik deyirsinizsə, məqaləmizi diqqətlə oxuyun. Tattoo sahəsində əl işləri ilə fərqlənən, dünya miqyasında böyük işlərə imza atmaq üçün çalışan Pərviz Bağırov bu iş üzrə masterdir. Azərbaycan Dövlət Rəssamlıq Akademiyasında rəssamlıq təhsili alan Pərviz daha sonra Türkiyədə 9 Eylül Universitetinin güzel sanatlar ixtisasında öz təhsilin davam etdirmişdir. Rəssamlıq oxuduğu üçün tattoo da ona yad sahə deyildi.
Ətrafında bu sahə üzrə çalışan dostları da çox olduğundan yaxından tattoo ilə tanış ola, araşdıra bilmişdir. 6 ildir bu sahədə çalışan Pərviz bəy artıq 3 ildir professional olaraq fəaliyyət göstərir. Onun böyük məqsədləri var, Azərbaycanda tattoo sahəsinin inkişaf etməsi başlıca məqsədlərindəndir.
Dünyaca məşhur tattoo ustası olmağa qərarlı olan Pərviz bəy 2020-ci ildən, tattoo üzrə brend olan Cleopatra İnk şirkəti ilə birgə fəaliyyət göstərir. Cleopatra İnk 17 ölkədə fəaliyyət göstərən 97 studiadan ibarət bir çox mükafata layiq görülmüş böyük bir şirkətdir.
Şirkətin əməkdaşları tattoo və piercing üzrə ən professional və bacarıqlı ustalardır.
Pərviz bəy özü də həmin professional ustaların başında gəlir, o, "Marmaris Tattoo Fest", "Life Tattoo Galery (Convention)", "İstanbul Tattoo Fest" kimi prestijli müsabiqələrdə fəxri iştirakçı kimi iştirak etmişdir. Pərviz bəy rəngli, realistik daha çox pozitiv tattoolar, portretlər işləyir.
Onun istifadə etdiyi bütün məhsullar, alətlər ən keyfiyyətli, ən yeni texnikalardır. Bu səbəblə onun etdiyi tattoolar sağlamlığa qətiyyən zərərli deyil, allergik reaksiyalara yol açmır. Bəzi xroniki xəstəlikləri olan insanlar tattoo etdirmədən əvvəl həkimləri ilə məsləhətləşməlidir, Pərviz bəy də bu nüansa çox diqqət edir.
Həmçinin tattoo 18 yaşdan yuxarı insanlara edilir, lakin Pərviz bəy məsləhət görür ki, tattoo etdirmək istəyən şəxs həyatında müəyyən qədər yol qət etməli, gələcəyini planlamalı, məqsədlərini təyin etməlidir ki, etdirəcəyi tattoo ona həyatını qurarkən mane olmasın.
Ona görə də Pərviz bəy 23 yaşdan sonra edilən tattooların daha uğurlu olduğunu düşünür. Tattoo seçmək də çox mühümdür, elə tattoo etdirməlisən ki, onu ömür boyu daşıya biləsən peşman olmayasan. Tattoonun mənası qədər onun görüntüsü, sənə yaraşması, estetik görünməsi də çox önəmlidir. Pərviz bəyə müraciət edənlər arasında əvvəl etdirdiyi tattoodan peşman olub onu sildirmək istəyənlər olur, o, tattoo silməsə də, həmin tattoonu dəyişə, onun üzərində başqa tattoo işləyə bilir. Pərviz bəy onu da qeyd edir ki, professional usta tərəfindən düzgün dərinliyə işlənmiş tattoo professinal dermatoloq tərəfindən professional lazer aparatı ilə tamamilə silinə bilir. Bir çox insan ilk tattoonu etdirmədən əvvəl onun ağrısına görə narahat olur, tərəddüd edir.
Lakin tattoonun ağrısı dözülməz bir ağrı deyil, bölgədən və tattoonun həcmindən asılı olaraq dəyişsə də, tattoo ağrılı bir prosses deyil. Bir çox insan ilk tattoosu zamanı artıq ikinci tattoo haqqında düşünür. Tattoo zövqlə bağlı bir şeydir, insan saçını kəsdirərkən necə yenilənirsə, yeni bir əşya alarkən necə xoşbəxt olursa, tattoo etdirərkən də eyni hissləri keçirir. Dünyanın hər yerində adi bir hal olan tattoo prossesi ölkəmizdə insanlar üçün bəzən problem yarada bilir, iş axtararkən çətinliklərlə qarşılaşa bilir.
Pərviz bəy və onun birgə fəaliyyət göstərdiyi Cleopatra İnk nəinki Azərbaycanda həm də dünyada tattoo sahəsinin inkişafı üçün çox çalışır, Azərbaycanda bu sahə ilə bağlı yaranmış bütün neqativ və köhnə düşüncələri silmək üçün əllərindən gələni edirlər.
Tattoo qədim tarixə malikdir, insanların ən qədim zamanlardan mənimsədiyi bu mədəniyyət dünya inkişaf etdikcə inkişaf edərək mövcudluğunu qoruyacaq.

Telegramda izləyin