Putin Rusiyası tamamilə dağılacaq - Jorin

"Vaqner"in Rusiyada üsyanı bir sıra proseslər doğurdu və bölgələr üçün Moskvadan ayrılmağın mümkünlüyünə bir siqnal oldu.

Bunu "Azov" alayının keçmiş komandiri, Ukrayna Silahlı Qüvvələrinin mayoru Maksim Jorin bildirib.

"Bunlar həqiqətən çox mühüm proseslərdir və onların mütləq nəticələri olacaq. Yeganə şey - səbirli olmaq lazımdır, başa düşməliyik ki, bu, çox böyük mexanizmdir. Qonşu ölkənin rejimində çatlar başlayıb və genişlənəcək. Təbii ki, cəbhə xəttində ani nəticə hiss etməyəcəyik ", - Jorin deyib.

Onun sözlərinə görə, üsyan Putin rejiminin hər şeyə qadir olmadığının sübutu idi:

"Və ilk növbədə, bu, cəbhə deyil, Rusiya tərəfindən işğal olunmuş regionlar üçün bir siqnaldır. Məhz bu ərazilərdə indi çox mühüm proseslər inkişaf edəcək. İnanıram ki, bu proseslərdə Ukrayna da iştirak etməlidir. Biz Rusiya ərazisində yaşayan xalqların azad olmaq cəhdlərini dəstəkləməliyik. Bu, Rusiya Federasiyasını gözləyən əsl yoldur - müstəqil dövlətlərə tam parçalanma".

Axar.az

Telegramda izləyin