Maaş və pensiyalar ARTIR: Əhalinin alıcılıq qabiliyyəti necə dəyişəcək? - Ekspertdən AÇIQLAMA

Maaş və pensiyalar ARTIR: Əhalinin alıcılıq qabiliyyəti necə dəyişəcək? - Ekspertdən AÇIQLAMAMaaş və pensiyaların artırılması müəyyən kateqoriyadan olan vətəndaşların gəlirlərinin və alıcılıq qabiliyyətinin yüksəlməsinə təsir göstərə bilər. Bu artımların əhalinin istehlak xərclərinə, əmək bazarına və ümumi iqtisadi aktivliyə təsiri ilə yanaşı, qiymətlərin dəyişməsi və inflyasiya baxımından mümkün nəticələri də diqqət çəkir. Xüsusilə gəlirlərin nominal deyil, real ifadədə nə qədər artacağı əsas məsələlərdən biridir.

Bəs, maaş və pensiyaların müəyyən kateqoriyalara şamil olunmaqla artırılması əhalinin alıcılıq qabiliyyətinə və real gəlirlərinə necə təsir göstərə bilər və bu artımlar inflyasiya, əmək bazarı və ölkə iqtisadiyyatı baxımından hansı nəticələrə səbəb ola bilər?
Maaş və pensiyalar ARTIR: Əhalinin alıcılıq qabiliyyəti necə dəyişəcək? - Ekspertdən AÇIQLAMAMövzu ilə bağlı Sonxeber.az-a açıqlama verən iqtisadçı ekspert Xalid Kərimli bildirib ki, pensiyaların artması bütün pensiyaçılara şamil olunur, təkcə müəyyən kateqoriyalara aid deyil:

"Maaşlarda isə minimum əməkhaqqının artırılması bütün əməkhaqlarının avtomatik artması demək deyil. Özəl sektorda minimum əməkhaqqı alan və ya əməkhaqqı minimum əməkhaqqına indeksasiya olunan şəxslərin maaşlarında artım ola bilər. Minimum əməkhaqqı artırıldıqda, tarif cədvəli ilə əməkhaqqı alan dövlət işçilərinin də maaşlarında artım baş verir. Özəl sektorda da şirkət tərəfindən minimum əməkhaqqına indeksasiya olunan tarif cədvəli tətbiq edilirsə, artım ola bilər. Lakin heç kim minimum əməkhaqqından aşağı əməkhaqqı verə bilməz".

Ekspert bildirib ki, pensiyalar isə indeksasiya metodu ilə bütün pensiyaçılar üzrə artırılır:

"Əməkhaqqı, pensiya və sosial müavinətlərin artması həmin təbəqələrin alıcılıq qabiliyyətini yüksəldəcək. Xüsusilə sosial cəhətdən həssas və gəlirləri aşağı olan əhalinin xərcləri əsasən daxili bazarda formalaşdığı üçün bu, iqtisadi aktivliyə müsbət təsir göstərə bilər. Düşünmürəm ki, bu artımlar inflyasiyanı xüsusi şəkildə tətikləsin. Hazırda inflyasiyanın əsas səbəbi idxaldır. Ölkədəki inflyasiyanın 60-70 faizinin idxalla izah olunduğu düşünülür. Yəni inflyasiyanın əsas səbəbi əməkhaqqının artması və ya tələbin çoxalması deyil. Daşıma xərclərinin artması və idxal qiymətlərinin bahalaşması əsas amillərdəndir".

Onun sözlərinə görə, bu artımların əsas məqsədi əhalinin sosial vəziyyətinin daha da pisləşməsinin və alıcılıq qabiliyyətinin aşağı düşməsinin qarşısını almaqdır:

"Çünki qiymətlər artır, maaşların artıb-artmamasından asılı olmayaraq, qiymət artımının qarşısını tam almaq mümkün deyil. Burada dünyada baş verən proseslər, idxalla bağlı məsələlər və xərc amilləri əsas rol oynayır. Tələb amilləri isə hələlik o qədər aktiv deyil. Bu baxımdan, həmin artımların xüsusi inflyasiya yaradacağını düşünmürəm. Əksinə, əmək bazarında əməkhaqqı artımına müsbət təsir göstərə və əhalinin real gəlirlərini artıra bilər".

Röyalə Xəyal


Sonxeber.az
Telegramda izləyin
İqtisadiyyat   Baxılıb: 5249   Tarix: 05 oktyabr 2026  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Azərbaycanda qızılın son qiymətləri

Azərbaycanda 2026-cı il 12 noyabr tarixinə olan qızılın qiymətləri açıqlanıb. "Yeni Sabah" xəbər verir ki, 12 noyabr 2026-cı il tarixinə olan məlumata görə, ölkədə 1 unsiya qızılın qiyməti 6881.07 manat, 1 qram təmiz qızılın (99 əyyar) qiyməti isə 221.23 manat təşkil edir. Digər əyyarlar üzr

12 noyabr
.

DVX: İxrac olunan təkrarsığorta xidmətlərinə 25 %-lik vergi güzəşti nəzərdə tutulur"

Azərbaycanda təkrarsığorta xidmətlərinin xaricə satışına vergi güzəştləri şamil ediləcək. "Report" xəbər verir ki, bunu İqtisadiyyat Nazirliyi yanında Dövlət Vergi Xidmətinin baş idarə rəisi Nicat İmanov Milli Məclisin İqtisadi siyasət sənaye və sahibkarlıq komitəsinin bu gün keçirilən iclasınd

6 noyabr
.

Qızılın qiyməti 3 700 dollardan aşağı düşdü

Dünya bazarında qızılın qiyməti kəskin ucuzlaşaraq son iki ayda ilk dəfə bir troya unsiyası üçün 3 700 dollar həddindən aşağı enib. bu barədə ticarət platformasının məlumatlarına istinadən məlumat verib. Nyu-Yorkun COMEX əmtəə birjasında dekabr ayı üzrə qızıl fyuçerslərinin qiyməti 2,46 faiz azalara

19 noyabr
.

Azərbaycanda 576 ədəd pirotexniki vasitə qanunsuz dövriyyədən çıxarılıb

Dövlət Gömrük Komitəsinin Bakı Baş Gömrük İdarəsi Əməliyyat və Təhqiqat İdarəsinin əməkdaşları tərəfindən həyata keçirilmiş əməliyyat tədbirləri nəticəsində xeyli miqdarda pirotexniki vasitələr aşkar edilərək qanunsuz dövriyyədən çıxarılıb. xəbər verir ki, Bakı şəhəri, Qaradağ rayonu ərazisində həyat

17 noyabr
.

Qızılın qiyməti son bir ilin minimumuna düşdü

Dünya bazarında qızılın qiyməti 2025-ci il oktyabrın 2-dən bəri ilk dəfə 3 850 dollar həddindən aşağı enib. bu barədə ticarət platformasının məlumatlarına istinadən məlumat verir. Bildirilib ki, "Comex" birjasında 2026-cı ilin dekabrında tədarük ediləcək qızıl fyuçerslərinin qiyməti 1,15 fai

16 noyabr
.

Qızılın son qiymətləri bəlli oldu

11 noyabr tarixinə olan rəsmi göstəricilərə əsasən, Azərbaycanda qiymətli metalların, xüsusilə qızılın qiymətlərində dinamika diqqət çəkir. "Yeni Sabah" xəbər verir ki, qızılın 1 unsiyasının rəsmi qiyməti 6 877,44 manat, 1 qramının dəyəri isə 221,11 manat təşkil edir. Pərakəndə zərgərlik bazarınd

11 noyabr
.

Azərbaycan Türkiyədən elektrik məhsulları idxalına çəkdiyi xərci 32 % artırıb

Bu ilin yanvar-oktyabr aylarında Azərbaycan Türkiyədən 243,366 milyon ABŞ dolları dəyərində elektrik məhsulları idxal edib. Türkiyə İxracatçılar Məclisinə istinadən xəbər verir ki, bu, 2025-ci ilin eyni dövrü ilə müqayisədə 32 % çoxdur. Oktyabr ayında Türkiyə Azərbaycana 29,872 milyon ABŞ dolları dəyərind

9 noyabr
.

Azərbaycanda növbəti 4 il üçün qaz hasilatı üzrə proqnozlar açıqlanıb

Gələn il Azərbaycanda qaz hasilatının həcminin 48 milyard 523,7 milyon kubmetrə çatacağı nəzərdə tutulub. xəbər verir ki, bu, gələn ilin büdcə zərfinin layihəsində öz əksini tapıb. Bildirilib ki, bu göstərici 2026-cı il üçün nəzərdə tutulan proqnozla müqayisədə 0,2 % çoxdur. Ümumi həcmdən 35 milyar

12 noyabr
.

2027-ci ildə pensiyalar 7,5 faiz artacaq: Pensiyaçılar nə qədər qazanacaq? - İQTİSADÇIDAN AÇIQLAMA

2027-ci ildə pensiyaların 7,5 faiz artırılması nəzərdə tutulur. Bu məqsədlə 575,5 milyon manat vəsait ayrılması proqnozlaşdırılır. Gələn il əmək pensiyalarının orta aylıq məbləğinin 639-640 manata çatacağı gözlənilir. Bununla belə, pensiyaların nominal artımı onların real alıcılıq qabiliyyətinin də eyn

11 noyabr