Müəllim olmaq ÇƏTİNLƏŞİR: "Artıq təkcə bilik yox, dünyagörüşü də yoxlanılır"
Müəllimlər Günü ərəfəsində müəllim peşəsinin cəmiyyətdəki nüfuzu və təhsil prosesində müəllimin rolu yenidən diqqət mərkəzinə gəlir. Müəllimlərin əməkhaqqının artırılması, sertifikasiya prosesinin tətbiqi və peşəkar inkişaf imkanlarının genişləndirilməsi onların işə münasibətinə və motivasiyasına təsir edən əsas amillər sırasındadır. Bu dəyişikliklərin təhsilin keyfiyyətinə və müəllim peşəsinin nüfuzuna real təsiri də müzakirə olunan məsələlərdəndir.
Bəs, son illərdə Azərbaycanda müəllim peşəsinin nüfuzunu və təhsil sistemində müəllimin rolu necə qiymətləndirilir və əməkhaqqının artırılması, sertifikasiya və peşəkar inkişaf imkanları müəllimlərin iş motivasiyasına və təhsilin keyfiyyətinə nə dərəcədə təsir göstərir?
Mövzu ilə bağlı Sonxeber.az-a açıqlama verən təhsil eksperti Məzahir Məmmədli bildirib ki, müəllimlik peşəsi artıq təkcə Azərbaycanda deyil, bütün dünyada çətin peşələrdən birinə çevrilib.
"Son vaxtlar Azərbaycanda da müşahidə edirik ki, müəllimlərin işə qəbulu imtahanından sonra müsahibə mərhələsi gəlir. Hətta işə qəbul imtahanının özündə də təkcə peşə bacarıqları və bilikləri yox, müəllimlərin daha geniş dünyagörüşü də yoxlanılır. Düşünürəm ki, bu günün müəllimi, müasir müəllim müəyyən qədər bilikli, bacarıqlı və hazırlıqlıdır. Çünki müəllimlər artıq bir neçə mərhələdən keçir: müəllimlərin işə qəbulu imtahanı, sertifikasiya və digər qiymətləndirmələr. Bu mərhələlərdən sonra seçilən müəllimlər övladlarımıza dərs deyirlər. Bu baxımdan, Azərbaycan müəlliminə də təhsildə inkişaf etmiş dünya ölkələrində olduğu kimi etimadımız artmalıdır".
Ekspert bildirib ki, əməkhaqqı məsələsinə gəldikdə isə, əlbəttə, bu göstərici hələ dünya standartlarına tam uyğunlaşmayıb:
"Amma öz üzərində işləyən və sertifikasiyada uğur göstərən müəllimlər var. Sertifikasiyada 30 baldan yuxarı nəticə göstərənlər əməkhaqqına 10 faiz, 50 baldan artıq nəticə göstərənlər isə 35 faiz əlavə ala bilirlər. Bu da göstərir ki, Azərbaycanda müəllim əməyi və fəaliyyəti müəyyən mənada onun özünü inkişaf etdirməsindən keçir. Bu imkanlar müəllimlərin peşəkar inkişafına şərait yaradır. Müəllimlər iş və şəxsiyyətlə bağlı bacarıqlarını, uğurlarını inkişaf etdirdikcə, növbəti illərdə də öz imkanlarını məhz bilik və bacarıqları hesabına artıra bilərlər".
Röyalə Xəyal
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Qətlə yetirilən Gülarənin atası danışdı - "Ayxan 2 ay idi gecələr yatmırdı"
Kiberdələduzluqda bir başqa yol...
Xarici vətəndaşlıq hərbi xidmətdən azad etmir - VACİB AÇIQLAMA
Elton qızına toy edir
Vətəndaşlara aşağı faizli kredit imkanı: Hansı şərtlər tələb olunur?
Prezident İlham Əliyev Vyetnama rəsmi səfərə gedib - Foto/Video
Nikahdan əvvəl alınan ev boşanma zamanı bölünə bilərmi? - Qanun nə deyir? - ƏMLAK EKSPERTİNDƏN AÇIQLAMA
Sənət adamlarından Könül Xasıyevanı pubda oxumasına reaksiya: "Mənim yaşıma uyğun deyil"
Vəkil Orxan Kəngərli həbs edildi
Azərbaycan-Vyetnam münasibətlərində yeni mərhələ: Əməkdaşlıq hansı istiqamətlərdə genişlənəcək?
Yaşıl çay alarkən bunlara diqqət edin - Keyfiyyətsiz məhsulu necə tanımaq olar? - QİDA EKSPERTİNDƏN AÇIQLAMA
Reuters: "Tayvan Çini seçkilərə müdaxilə etmək üçün minlərlə sosial media hesabından istifadə etməkdə ittiham edir"