Qazaxda Əliağa Şıxlinski küçəsində növbəti "Yaşıl terror" - İcra başçısı hara baxır?

Xəbər verdiyimiz kimi ötən il Qazax rayonunda "Qırmızı kitab"a düşən, kəsilməsi qadağan olunan şam və çinar ağacları kütləvi şəkildə məhv edilib. Rayonun icra hakimiyyətinin göstərişi ilə Qazaxda Əliağa Şıxlinski küçəsində 56 ağac (şam və çinar) kəsilib. Ağaclar məhv edildikdən sonra həmin ərazi yararsız sahə kimi satışa çıxarılıb.

Məsələ gündəmə gətirildikdən sonra ağackəsmə "əməliyyatı" dayandırılsa da yenidən fəaliyyətə başlanılıb.

32gun.az-a daxil olan məlumata görə, yerdə qalan 5-6 "Qırmızı kitab"a düşən, kəsilməsi qadağan olunan şam və çinar ağaclarının da kəsilməsinə yenidən start götürülüb.

Məlumatda iddia edilir ki, ərazidəki arxa gələn suyun qarşısı qəsdən kəsilərək ağacları qurudan icra başçısı və nümayəndələri qalan 2-3 ağacı da doğratmaq fikrinə düşüb.

Bildirilri ki, ərazilər ticrət obyektlərinin tikilməsi üçün "boşaldılır".

32gun.az "yaşıl terror"un start götürdüyü ərazidən çəkilmiş görüntülərini təqdim edir:

***

Ekologiya və Təbii Sərvətlər Nazirliyindən 32gun.az-a bildirilib ki, məsələ ilə bağlı araşdırma aparılacaq.

Telegramda izləyin