Akademik M.Ə. Mirqasımov adına Respublika Klinik Xəstəxanasında hesabat xarakterli tədbir keçirilib

Akademik M.Ə. Mirqasımov adına Respublika Klinik Xəstəxanasında İnfeksiyaların profilaktikası və infeksion nəzarət komitəsinin fəaliyyət hesabatına həsr olunmuş təqdimat iclası keçirilib.

Tədbirdə Respublika Klinik Xəstəxanasının rəhbərliyi, həkimləri, TƏBİB-in Tibbi Xidmətlərin İnkişafı Departamentinin rəhbəri Yaqut Qarayeva, Ümumdünya Səhiyyə Təşkilatının (ÜST) İPİN (İnfeksiyanın Profilaktikası və İnfeksiyaya Nəzarət) Azərbaycan komandasının rəhbəri Cəvahir Süleymanova , ÜST ün məsləhətçiləri Doç. Dr. Can Hüseyin Hekimoğlu, Uzman Muammer Çelik və Uzman hemşire Esen Batır iştirak ediblər.

Tədbirdə açılış nitqi ilə çıxış edən Respublika Klinik Xəstəxanasının baş həkimi, İPİN sədri Elmir Bəşirov tədbir iştirakçılarını və qonaqları salamlayaraq komitə haqqında qısa məlumat verib.

Hesabatı Respublika klinik xəstəxanasının İPİN komitəsinin infeksiya üzrə məsul şəxsi Nigar Hüseynova, İPİN komitəsinin infeksiya üzrə digər məsul şəxsi Xalidə Səmədzadə, İPİN-in infeksionist həkimi Tofiq Hacıyev təqdim ediblər.

Məruzələrdə xəstəxananın şöbələrində 3 ay (aprel, may , iyun) ərzində aparılan monitorinqlər nəticəsində aşkarlanan nöqsanların, çatışmazlıqların qiymətləndirilməsi və onların aradan qaldırılması yolları, görüləcək tədbirlər və fəaliyyət planı haqqında ətraflı danışılıb.

Sonda çıxış edən rəsmi qonaqlar hesabatı yüksək qiymətləndirərək, dövlət xəstəxanasında belə bir komitənin yaradılmasını bir ilk olduğunu vurğuladılar. Çıxışçılar hesabat layihənin digər xəstəxanalara nümunə olacaq layihə kimi qiymətləndirdilər və komitə üzvlərinə gələcək fəaliyyətlərində uğurlar arzuladılar.

Telegramda izləyin