Paşinyan belçikalı həmkarını milli bayram münasibətilə təbrik edib

Ermənistanın Baş naziri Nikol Paşinyan Belçikanın Baş naziri Aleksandr De Kroonu Belçikanın Milli Günü münasibətilə təbrik edib.

Sonxeber.az xəbər verir ki, bu barədə erməni mətbuatı məlumat yayıb.

"Sizi və dost Belçika xalqını Belçika Krallığının milli bayramı münasibətilə ürəkdən təbrik edirəm.Mən Ermənistan və Belçikanın əməkdaşlığın müxtəlif sahələrində əldə etdiyi nailiyyətləri yüksək qiymətləndirirəm. Əminəm ki, Ermənistan və Belçika arasında əlaqələr ikitərəfli və çoxtərəfli formatlarda, o cümlədən Ermənistan-Avropa İttifaqı arasında hərtərəfli və genişləndirilmiş tərəfdaşlıq sazişi çərçivəsində birgə səylərlə inkişaf edəcək və genişlənəcəkdir. Fürsətdən istifadə edərək Belçika hökumətinin İrəvanda daimi səfirlik açmaqla bağlı qərarını yüksək qiymətləndirirəm. Əminəm ki, bu, ənənəvi dostluğa əsaslanan Ermənistan-Belçika dövlətlərarası münasibətlərini intensivləşdirəcək. Sizə möhkəm cansağlığı və ən xoş arzularımı, ölkənizə firavanlıq və tərəqqi arzulayıram", - deyə Ermənistanın Baş naziri əlavə edib.

Telegramda izləyin