"Daşqından daha az zərərlə çıxmaq üçün çaylarda monitorinq aparılmalıdır" - Ənvər Əliyev

İstiqamət: Ekologiya və ətraf mühitin mühafizəsi
"Çayların daşması sübut etdi ki, daşqın haqqında qabaqcadan proqnoz vermək mümkün deyil.Necə deyərlər, çay olan yerdə daşqın olacaq. Azərbaycan çaylarının yataqlarında daş,gil, qum var. Onlarla Azərbaycanı beş dəfə tikib yaratmaq olar".

Bu sözləri ekoloq Ənvər Əliyev Sonxeber.az-a bildirib.

O qeyd edib ki, daşqından daha az zərərlə çıxmaq üçün çaylarda monitorinq aparılmalıdır:

"İqlim dəyişikliyi 1-5- 10 ilin nəticəsi deyil. Deyirdilər ki, guya Azərbaycanda iqlim dəyişikliyi baş verib. Bu, çox mübahisəli məsələdir. Yay aylarında yağıntılar təəssüf ki, çox olur. Yağıntı qar halında düşürsə, torpağa daha çox hopur və gələcəkdə də çayların stabil qidalanması üçün əsas şərtdir. Amma yağış halında olanda çoxlu fəsadlar törədir. Qabaqcadan Böyük Qafqazın cənub yamacı çaylarının Balakən çayından Girdimançaya qədər ərazi çaylarının yatağında hiss olunur. Çayların daşması sübut etdi ki, daşqın haqqında qabaqcadan proqnoz vermək mümkün deyil.Necə deyərlər, çay olan yerdə daşqın olacaq. Azərbaycan çaylarının yataqlarında daş,gil, qum var. Onlarla Azərbaycanı beş dəfə tikib yaratmaq olar. Böyük Qafqazın cənub yamacında 13-dən çox çay var. O çayların hamısı Böyük Qafqazın daşqın çaylarıdır .Daşqın dağ ərazisində gedəndə o qədər də qorxulu deyil, amma arana və ya dağarası vadilərə çıxanda fəsadları orada törədirlər. Su torpaq sahələrini basır, yanda formalaşmış çatlara çoxlu ziyan vururlar. İqtisadi zərər də əkin sahələrinə dəyən ziyanla hesablanır. Daşqından daha az zərərlə çıxmaq üçün çaylarda monitorinq aparılmalıdır. Hansı tərəfə daha çox daşdığı müəyyənləşdirmək şərti ilə yan divarları da mütləq qaldırılmalıdır".

Material Azərbaycan Respublikasının

Şəbnəm Lətifi

Telegramda izləyin