"Hazırda FETÖ-çülərlə bağlı hüquq mühafizə orqanları tərəfindən ciddi tədbirlər görülür" - DEPUAT

"Bu gün ölkəmizdəki təhlükəsizlik hüquq mühafizə orqanları tərəfindən tam təmin edilib".

Bunu Sonxeber.az-a danışan deputat İqbal Məmmədov bildirib.

Deputat qeyd edib ki, Azərbaycan və qardaş Türkiyə 7 ilə yaxındır ki, FETÖ-çularla birgə mübarizə aparır:

"Təəssüf ki, FETÖ-çular rək Türkiyə və Azərbaycanda deyil dünyanın bir sıra ölkələrində öz şəbəkələrini yarada bilib. Azərbaycanda da onların nümayəndələri mövcuddur. Onlarla bağlı ölkəmizin müvafiq qurumları tərəfindən lazımi tədbirlər görməkdədirlər. Hər zaman dövlətimizə gizli şəkildə sızmağa çalışan FETÖ-çular zamanında aşkar olunaraq qanunla sərt cəzalandırılıblar. Bu gün FETÖ-nün tör-töküntüləri fürsət axtarırlar ki, yenidən güclənib, kök saldıqları ölkələrdə mövcud sabitliyi pozsunlar. Düşünürəm ki, FETÖ-çularla mübarizədə hüquq-mühafizə orqanları ilə yanaşı vətəndaş cəmiyyətinin də üzərinə böyük yük düşür. Hər birimiz ayıq-sayıq olmalı FETÖ-çulara qarşı mübarizədə hüquq mühafizə orqanlarına kömək etməliyik. Yaxınlığımızda FETÖ-çulara xidmət edən şəxslər varsa bu barədə müvafiq qurumlara məlumatlar verməliyik ki, onlarla bağlı zamanında tədbirlər görülsün".

Deputat vurğulayıb ki, ola bilsin ki, dövlət və özəl qurumlarda, eləcə də kütləvi informasiya vasitələrində FETÖ-çulər olsun:

"Hazırda FETÖ-çülərlə bağlı hüquq mühafizə orqanları tərəfindən ciddi tədbirlər görülür. Mövcud sabitliyi və ölkə təhlükəsizliyini təhdid edən şəxslər zamanında aşkarlanaraq barələrində qanunvericilik çərçivəsində ciddi addımlar atılır. Uzun illərdir ki, Azərbaycan və Türkiyənin təhlükəsizlik orqanlarının qarşılıqlı fəaliyyəti nəticəsində bu terror qrupu öz iyrənc planlarını reallaşdıra bilməyiblər. Bu gün tam əminliklə deyə bilərəm ki, hüquq mühafizə orqanları tərəfindən ölkəmizdə sabitlik və təhlükəsizlik yüsək səviyyədə təmin edilib. Əminəm ki, bundan sonra da ölkəmizdəki sabitlik və təhlükəsizlik davamlı olaraq qalacaq".

Telegramda izləyin