Qondarma Dağlıq Qarabağ prezidenti istefa verir

Qondarma Dağlıq Qarabağın prezidenti Arayik Arutyunyan istefa vermək niyyətində olduğunu açıqlayıb.

Sonxeber.az xəbər verir ki, o, yaydığı bəyanatda Arutyunyan cümə günü istefa verəcəyini bildirib.

Arutyunyan ailəsi ilə birlikdə Qarabağda yaşamağa davam edəcəyini və hakimiyyəti dəstəkləyəcəyini bildirib.

"Bu addım, digərləri ilə yanaşı, Artsaxda möhkəm ictimai asayişin və daxili sabitliyin təmin edilməsinə yönəlib. Bütün çətinliklərə baxmayaraq, daxili sabitliyimiz və ictimai həmrəyliyimiz bütün uğurların ilkin şərtidir və bundan hər hansı bir sapma və ya yayınma cəhdi istisna edilməlidir" ,- deyə o bildirib.

Arutyunyan həmçinin dövlət naziri Qurgen Nersisyanın vəzifəsindən azad edilməsi və onun yerinə Təhlükəsizlik Şurasının katibi Samvel Şahramanyanın təyin edilməsi haqqında sərəncam imzalayıb.

Telegramda izləyin