"Qutudaki uşaq": İllərdir açılmamış cinayətin sirri

1957-ci ilin qış ayları idi. Hər şey ABŞ-ın Filadelfiya şəhərində başladı. Meşəlik ərazidə siçan tələləri quran şəxs karton qutu tapıb. Tapdığı qutuda 4-5 yaşlı uşaq meyiti var. Uşaq tamamilə çılpaqdır və yorğana bürülüb. Adam bu barədə polisə məlumat verməkdən qorxurdu, çünki dövlət qaydaları ondatra ovlamağı qadağan edir. Kişi buna görə cəzalandırılacağını düşündüyü üçün xəbər vermək istəməyib. Hadisədən bir neçə gün sonra eyni yerdə yatan karton qutu bu dəfə gənc kollec tələbəsi tərəfindən görülüb. İşə qarışmaqdan, başına bəla gəlməyindən qorxan gənc əvvəlcə polisə xəbər verməsə də, ertəsi gün dözə bilməyib və polisə zəng edərək vəziyyəti izah edib. Xəbər verildikdən sonra polis hadisə yerinə gedib və kiçik uşağın meyitini aşkarlayıb.

Çılpaq və ağır bədən xəsarətləri alan oğlan uşağının çəkisi 15 kilo belə yox idi . Müayinələrdən sonra uşağın çənəsində dərin çapıq və bədəninin müxtəlif yerlərində qançırlar aşkar edilib. Həmçinin qutuda uşağa məxsus kəsilmiş saç parçaları aşkar edilib. Ekspertizanın nəticələri göstərib ki, bu saç uşaq öldürüldükdən sonra kəsilib. Uşağın içində olduğu qutuda aşkarlanan barmaq izləri araşdırılıb. Qatilin bu yolla asanlıqla tapılacağı düşünülsə də, ekspertizadan heç bir nəticə çıxarılmayıb. Barmaq izləri indiyə qədər polis hesabatlarında qeyd olunan heç kəslə uyğun gəlmir. Daha maraqlısı odur ki, uşağın barmaq izi yoxlanılanda heç bir nəticə əldə olunmayıb. Uşağın kim olduğunu, haradan gəldiyini və ailəsini müəyyən etmək mümkün olmayıb. Qatil oğlanın cəsədini ağartıcı ilə yuduğundan, ipucu sayıla biləcək heç nə tapılmayıb. Polis oğlanın döyülərək öldürüldüyü qənaətinə gəldi. Uşağın fotoşəkilləri şəhərin hər yerindən asıldı. Onilliklər ərzində polis, detektivlər, həkimlər və DNT mütəxəssisləri ictimaiyyətdən gələn yüzlərlə hesabata və məsləhətlərə əməl edərək bir nəticəyə gəlməyə çalışdılar. Bu iş həm də özəl detektivləri və könüllü həvəskarları cəlb etdi. Bunlardan Vidoq Cəmiyyəti adlı bir qrup keçirdiyi mətbuat konfransında polisə yaratdıqları görə təşəkkür etdi. Ancaq illər keçdikcə detektivlər minlərlə ipucunu izlədi və heç bir qənaətə gələ bilmədi. Uşağın meyidi məzar daşının üzərində "Amerikanın naməlum Uşağı" yazısı ilə basdırılıb. Filadelfiya polis rəisi Danielle Outlow oğlanın kimliyini açıqladığı mətbuat konfransında deyib: "Heç kim azyaşlının adının və həyat hekayəsinin məlum olması üçün bu qədər uzun müddət gözləməməlidir".

Lakin təxminən 60 il sonra bir hadisə baş verdi. ABŞ-ın Filadelfiya şəhərində cəsədi qutuda tapılan oğlanın kimliyi nəhayət DNT analizi sayəsində məlum oldu. Onilliklər ərzində "qutudakı oğlan" kimi tanınan qurbanın adı Cozef Augustus Zarelli olaraq təyin edildi. Polis həm DNT texnologiyası, həm də yaxşı dedektiv işi sayəsində şəhərin ən qədim açılmamış qətlinin qurbanı olan oğlanın kimliyini nəhayət tapdıqlarını mətbuat təşkil etdikləri konfransında açıqladılar. Polislər açıqlama zamanı bildirdilər ki, bu qətlin sirri onilliklər ərzində ictimaiyyətin yaddaşından silinməyib. Cinayət işinin hələ də açıq olduğunu və istintaqın davam etdiyini deyən polis rəsmiləri şəxsiyyəti üzə çıxan azyaşlı ilə bağlı naməlum təfərrüatları tamamlamaq üçün ictimaiyyətdən kömək istəyib. Əslində polis daha əvvəl də oğlanın qalıqlarını DNT testi üçün göndərib. Lakin, nümunələr yetərli olmadığı üçün üçün nəticə alınmadı. Daha sonra məhkəmə-tibb eksperti eyni DNT nümunəsindən istifadə edərək oğlanın qohumlarını müəyyən edə bilib. Bu zaman polis müfəttişləri doğum və övladlığa götürmə qeydlərini araşdıraraq, bu şəxslərlə qutuda cəsədi tapılan oğlan arasında əlaqəni tapıblar.

Uşağın kim olduğu və qətl illərində başına gələnlərlə bağlı müxtəlif nəzəriyyələr irəli sürülüb. Bu nəzəriyyələrdən ən tanış və inandırıcısı odur ki, uşaq əslində meşə sahəsinə çox yaxın olan qocalar evində yaşayıb. Polislər qocalar evində apardıqları araşdırmalar nəticəsində uşağın içində olduğu qutuda satılan körpə beşiyi ilə eyni markalı beşik tapıblar. Polisin tapdığı digər sübut isə bu qocalar evində uşağın bükdüyü yorğana oxşayan adyalların da tapılmasıdır. Tədqiqatçılar qutudakı uşağın qocalar evi sahibinin ögey qızına məxsus qeyri-qanuni uşaq ola biləcəyindən şübhələnirdilər. Dahibinin nikahdankənar doğulan nəvəsindən qurtulmaq istəyəcəyi vurğulanıb. Ancaq bu nəzəriyyə heç vaxt sübuta yetirilməyib. Bu gün də hadisənin üzərindəki tozlu sirr pərdəsi qaldırılmayıb. Bu vəhşi qətli törədən nə uşaq, nə də kimlər məlum deyil.

Telegramda izləyin