Bolqarıstanda daşqın nəticəsində ölənlərin sayı 4-ə çatıb

Bolqarıstanın cənub-şərqində leysan yağışların səbəb olduğu daşqınlar nəticəsində ölənlərin sayı 4-ə çatıb.

Sonxeber.az xəbər verir ki, Burqas şəhərinin yerli rəsmilərindən Emil Pavlov Qara dənizin Tsarevo qəsəbəsində yağan güclü yağışın səbəb olduğu daşqınlarla bağlı mətbuata açıqlama verib.

Güclü yağışların səbəb olduğu daşqınlar nəticəsində həyatını itirənlərin sayının 2-dən 4-ə yüksəldiyini qeyd edən Pavlov itkin düşənlərin olmadığını da əlavə edib.

Tsarevo meri Georgi Lapçev daşqınlar nəticəsində bölgədəki infrastrukturun ciddi şəkildə zədələndiyini bildirib.

Lapçev sel sularının rayonda bəndlərin divarlarına vurduğu ziyanla əlaqədar təcili təmir işlərinə başlanılacağını və işıqsız yaşayış məntəqəsinin olmadığını bildirib.

Lapçev sakinlərə xəbərdarlıq edib ki, krandan su hələ içilmir.

Telegramda izləyin