Ağlasığmaz qaçış planı!

İran casusu olmaqda ittiham olunan, terrorda şübhəli bilinən 21 yaşlı keçmiş hərbçi Daniel Abid Xəlifə Londondakı "Wandsworth" həbsxanasından qaçıb.

BiG.AZ xarici mənbəyə istinadən xəbər verir ki, Britaniya təhlükəsizlik qüvvələri 21 yaşlı terror şübhəlisini tapmaq üçün kampaniyaya başlasa da, vaxtilə Britaniya ordusunda xidmət etmiş əsgərin qaçması ilə bağlı naməlum təfərrüatlar ortaya çıxmağa başlayıb.

Qaçaq məhbusun işlədiyi həbsxananın mətbəxindən aşpaz forması geyinərək çıxa bildiyi və özünü təchizat furqonunun altına bağlayaraq həbsxanadan çıxdığı ehtimal edilir. Ədliyyə naziri Aleks Çalk qaçış fərq edildiyi zaman yük maşınının dayandırılaraq axtarışa verildiyini və Xəlifənin istifadə etdiyi kəndirlərin avtomobilin altından tapıldığını bildirib.

Səlahiyyətlilər apteklərə xəbərdarlıq məktubu göndərərək, terrorçu şübhəlinin avtomobilin altına qaçması səbəbindən üzündə yanıqlar ola biləcəyini bildirib. Britaniya polisi Londonun mərkəzində yerləşən Riçmond parkını bağlayaraq axtarış aparır. Britaniya mediası Xəlifənin orduda qazandığı bacarıqlardan gizlənmək üçün istifadə etdiyini yazıb.

Yerli mediaya əks olunan görüntülərdə polisin parkın qapısında keşik çəkdiyi və ətrafda geniş təhlükəsizlik tədbirləri görüldüyü görülüb. Ədliyyə naziri bu məsələ ilə bağlı araşdırmalara başladığını açıqlayıb.

Telegramda izləyin