Rusiyada epidemiya şübhəsi: 197 nəfər nəzarətə götürüldü
Rusiyanın İrkutsk vilayətində ağciyər taunu şübhəsi ilə vəfat edən qadınla təmasda olmuş azı 197 nəfər müəyyən edilib.
Oxu.Az zdav.ru-ya istinadən xəbər verir ki, onlardan 189-u müşahidə və profilaktik tədbirlər məqsədilə xəstəxanaya yerləşdirilib.
Məlumata görə, həmin şəxslərdən 114-ü bir xəstəxanada, 63-ü digər tibb müəssisəsində, 12-si isə Taunla Mübarizə İnstitutunda saxlanılır. Daha səkkiz nəfər isə hələ xəstəxanaya yerləşdirilməyib.
Təmasda olan şəxslərin bəzilərində müəyyən simptomlar müşahidə edilib. Bununla belə, onların xəstəxanaya yerləşdirilməsinin profilaktik məqsəd daşıdığı və hazırda yoluxma ilə bağlı hər hansı nəticənin olmadığı bildirilib.
Bundan əlavə, müşahidə altına alınan şəxslərlə təmasda olmuş insanların da xəstəxanaya yerləşdirilməsi planlaşdırılır.
Bir gün əvvəl İrkutsk vilayətinin Şelexov rayon xəstəxanasında ağciyər taunu şübhəsi olan qadın vəfat edib. Həkimlər ölümündən sonra xəstəliyin törədicisinin olub-olmadığını müəyyənləşdirmək üçün analiz nümunələri götürüblər. Nəticələr hələ açıqlanmayıb.
Rusiya Elmlər Akademiyasının akademiki, epidemioloq Gennadi Onişenko İrkutsk vilayətində aşkarlanan xəstəliyin taun olma ehtimalının yüksək olmadığını bildirib. Onun sözlərinə görə, diaqnoz təsdiqlənsə belə, infeksiyanın Rusiyada geniş yayılması gözlənilmir.
Alim əlavə edib ki, rusiyalı mütəxəssislər taunun profilaktikası və müalicəsi üsullarına yaxşı bələddirlər.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Sabaha leysan gözlənilir - XƏBƏRDARLIQ
Qətlə yetirilən Gülarənin atası danışdı - "Ayxan 2 ay idi gecələr yatmırdı"
Qadın qətllərinə qarşı ən sərt cəzalar: Azərbaycan İstanbul Konvensiyasına qoşula bilərmi? - VƏKİLDƏN AÇIQLAMA
Kiberdələduzluqda bir başqa yol...
Xarici vətəndaşlıq hərbi xidmətdən azad etmir - VACİB AÇIQLAMA
Elton qızına toy edir
Vətəndaşlara aşağı faizli kredit imkanı: Hansı şərtlər tələb olunur?
Prezident İlham Əliyev Vyetnama rəsmi səfərə gedib - Foto/Video
Kupçasız ev alanlar pullarını və əmlakı itirə bilər? - EKSPERTDƏN XƏBƏRDARLIQ
Nikahdan əvvəl alınan ev boşanma zamanı bölünə bilərmi? - Qanun nə deyir? - ƏMLAK EKSPERTİNDƏN AÇIQLAMA
Sənət adamlarından Könül Xasıyevanı pubda oxumasına reaksiya: "Mənim yaşıma uyğun deyil"
Vəkil Orxan Kəngərli həbs edildi
Azərbaycan-Vyetnam münasibətlərində yeni mərhələ: Əməkdaşlıq hansı istiqamətlərdə genişlənəcək?
Yaşıl çay alarkən bunlara diqqət edin - Keyfiyyətsiz məhsulu necə tanımaq olar? - QİDA EKSPERTİNDƏN AÇIQLAMA
Reuters: "Tayvan Çini seçkilərə müdaxilə etmək üçün minlərlə sosial media hesabından istifadə etməkdə ittiham edir"