Dəhşət: Dərmanlar kömək etmədi! Həkim yastıqla boğdu

Belçikada xərçəng xəstəsi olan və evtanaziya edilmək istəyən qadın həkim tərəfindən yastıqlarla boğularaq evtanaziya edilib.

BiG.AZ xarici mənbəyə istinadən xəbər verir ki, Liege şəhərinin Oupeye bələdiyyəsindən olan 36 yaşlı qadının vəziyyəti son xərçəng diaqnozu qoyulduqdan bir neçə ay sonra ciddi şəkildə pisləşib. Qadın 2022-ci ilin mart ayında evtanizasiya olunmağı seçdiyini bildirib.

Qadının ailəsi yaxınlarının ölümünün şahidi olmaq istəmədikləri üçün evi tərk ediblər. Müalicə prosesi planlaşdırıldığı kimi getməyib. Dərman kokteyli istənilən effekti verməyincə həkimin qadını yastıqla boğaraq həyatına son qoyduğu iddia edilib.

Mətbuat orqanları, yarılma müayinəsində boğulma əlamətlərinin olduğunu qeyd edib. Qadının əri Lyej prokurorluğuna şikayət ərizəsi ilə müraciət edərək, evtanaziya edən həkim və iki tibb bacısı haqqında qanuni iş başladıb.

Telegramda izləyin