Ukrayna: "Müdafiə qüvvələrimiz Avdiyivka şəhəri yaxınlığındakı Opitne kəndinin bir hissəsini azad edib"

Ukrayna qoşunları Donetsk vilayətinin Avdiyivka şəhəri yaxınlığındakı Opitne kəndinin bir hissəsini azad edib.

Sonxeber.az xəbər verir ki, bu barədə Ukrayna müdafiə nazirinin müavini Anna Malyar bildirib.
Malyar Müdafiə Nazirliyinin Hərbi Mətbuat Mərkəzində canlı yayımda çıxışında Ukrayna ordusunun Avdiyivka istiqamətində uğur qazandığını bildirib.

"Müdafiə qüvvələrimiz bu qəsəbənin bir hissəsini azad etdi" ,- deyə o qeyd edib.

Malyar bildirib ki, Ukrayna əsgərləri son bir həftədə Donetsk vilayətinin Novomayorske yaxınlığında qismən uğur qazanıb və tutduqları mövqelərdə məskunlaşıblar.

Bəhmut istiqamətində Klişiyevka və Andriyivka yaxınlığında ordunun müvəffəqiyyət qazandığına diqqət çəkən Malyar Ukrayna ordusunun rus əsgərlərini bu yaşayış məntəqələrindəki mövqelərindən dəf edərək irəlilədiyini qeyd edib.

Malyar ötən həftə Bəhmut istiqamətində daha 2 kvadrat kilometr ərazinin xilas edildiyini bildirərək, bu istiqamətdə bu günə qədər xilas edilən ümumi ərazinin 49 kvadrat kilometr olduğu məlumatını paylaşıb.

Ukrayna ordusunun cənubdakı Robotino və Verbove qəsəbələrində uğurla irəlilədiyini bildirən Malyar, Ukrayna əsgərlərinin ötən həftə cənubda 1,5 kvadrat kilometr ərazini azad etdiyini də bildirib.

Telegramda izləyin