"Azərbaycan rəhbərliyinin atdığı doğru addımlar ölkəmizin suverenliyinə qarşı olan bütün qüvvələrin maskasını ifşa etməkdədir" - ŞƏRH

Xəbər verdiyimiz kimi, Rusiya Qızıl Xaç Cəmiyyətinin (QXC) Qarabağdakı erməniəsilli sakinlərə göndərdiyi yardım maşını artıq Xankəndiyə çatıb.

"Son zamanlar baş verən hadisələr tam sübut edir ki, Qarabağda guya humanitar vəziyyətin olması ilə bağlı verilən bəyanatlar tam saxtadır və sırf siyasi xarakter daşıyır. Azərbaycan rəhbərliyinin atdığı doğru və ağıllı addımlar ölkəmizin suverenliyinə qarşı olan bütün qüvvələrin maskasını ifşa etməkdədir. O cümlədən də, Beynəlxalq Qırmızı Xaç Komitəsinin (BXQ) etdiyi bəzi nüanslar. Onsuz da xeyli zamandır ki, bu komitənin Qarabağda fəaliyyəti şübhə doğurur".

Bu sözləri Sonxeber.az-a Milli Məclisin deputatı Tahir Mirkişili deyib.

O bildirib ki, bir çox qanunuz fəaliyyətləri də Azərbaycan tərəfindən müəyyən olunub. Amma Rusiya Qırmızı Xaç Komitəsinə təzyiqlər BQX Komitəsinin Azərbaycan-Ermənistan münasibətlərində maraqlı tərəf olduğunu sübut edib.

"O tərəf ki, ölkəmizin suverenliyinin əleyhinə çıxır, ərazimizdəki separatist qüvvüələrə maddi və mənəvi dəstək verir.
Hesab edirəm ki, BQX komitəsinin Azərbaycandakı bu destruktiv siyasi fəaliyyətinə siyasi və hüquqi qiymət verilməlidir. Təşkilat yalnız öz nizamnaməsinə uyğun fəaliyyət göstərməlidir. Azərbaycanın öz ərazisində həqiqətən də humanitar yardıma ehtyacı olan şəxslərə kömək edəcək siyasi maraqlardan uzaq digər təşkilatlarla əməkdaşlıq etməsi zərurəti getdikcə artmaqdadır".
AYSEL ƏKBƏR

Telegramda izləyin