Yunanıstanda epidemiya xəbərdarlığı: Kran suyundan istifadə etməyin

Yunanıstan daşqından sonra dağıntılara çevrilib.
Magistral sudan istifadə edilməməsi ilə bağlı xəbərdarlıq edilib. Artıq ölkədə hərarət, öskürək, baş ağrısı və ishal halları müşahidə olunmağa başlayıb.

Sonxeber.az xəbər verir ki, Yunanıstan Səhiyyə Nazirliyi təbii fəlakətin baş verdiyi ərazilərdə zərərvericilərin və gəmiricilərin sayında artım olduğu barədə xəbərdarlıq edib.

Bunun ciddi epidemiya xəstəliklərinə yol açdığı vurğulanıb. Ağcaqanadlardan keçən Qərbi Nil Virusuna yoluxma hallarında da artım ola biləcəyi qeyd edilib.

Daşqının zərər çəkdiyi yerlərdə insanlardan kran suyundan istifadə etməmələri xahiş olunub. Əks halda qastroenterit, hepatit və dəri səpgiləri kimi epidemiya riskinin olduğu vurğulanıb.

Fəlakətdən sonra yaraların sağalması üçün işlər aparılarkən Afina-Saloniki avtomobil yolunun bəzi hissələri hələ də su altındadır.

İki böyük şəhər arasında yol əlaqəsi bağlanıb. Daşqının dəmir yolu sisteminə vurduğu ziyan da böyükdür.

Telegramda izləyin