Cənubi Afrikada 8 saatdan çox elektrik enerjisi kəsiləcək

Cənubi Afrika Respublikasında bu gündən başlayaraq həftə ərzində gündə 8 saatdan çox elektrik enerjisi kəsiləcək.

Sonxeber.az xəbər verir ki, Milli elektrik şirkəti Eskom tərəfindən verilən açıqlamada 4 elektrik stansiyasında generator bloklarında nasazlıq olduğu açıqlanıb.

Açıqlamada bildirilib ki, bu nasazlıqlara görə, bu gün yerli vaxtla saat 16:00-dan başlayaraq həftə sonuna qədər gündə 8 saatı aşan elektrik enerjisinin planlaşdırılmış fasilələri həyata keçiriləcək.

Afrikada elektrik enerjisinə ən yüksək çıxışı olan ölkələrdən biri olan Cənubi Afrikada köhnə istehsal infrastrukturu, təxribat və kabel oğurluğu səbəbindən uzun müddətdir ki, ciddi elektrik böhranı yaşanır.

Nüvə enerjisi istehsalçısı olan Cənubi Afrika öz elektrik enerjisinin 80 faizindən çoxunu kömürlə işləyən elektrik stansiyalarından qarşılayır. Ölkə dünyanın aparıcı kömür istehsalçıları sırasındadır.

Telegramda izləyin