"Ermənistan Rusiyanın müttəfiqi olaraq qalır" - Peskov

"Ermənistan Rusiyanın müttəfiqi olaraq qalır".

Sonxeber.az xəbər verir ki, bu sözləri Kremlin sözçüsü Dmitri Peskov deyib.

"Ermənistan bizim müttəfiqimiz, yaxın dövlətimiz olmaqda davam edir. Ermənistan bizə yaxın xalqdır. Bilirsiniz ki, bizim ölkədə Ermənistanın özündən daha çox erməni yaşayır. Biz öz funksiyalarımızı yerinə yetirməyə davam edəcəyik, Ermənistan tərəfi ilə, o cümlədən Paşinyanla dialoqu davam etdirəcəyik və Qarabağın erməni sakinlərinin bütün hüquqlarının qorunub saxlanması üçün işi davam etdirəcəyik",- deyə o bildirib.

Peskov əlavə edib ki, Rusiya bütün tərəflərlə dialoqu davam etdirir.

Onun sözlərinə görə, Rusiya üçüncü ölkələrin vasitəçilik səylərini alqışlayır, bir şərtlə ki, onlar regionda mövcudluğunu qeyd etmək üçün etmirlər.

Şəbnəm Lətifi

Telegramda izləyin