"İnanıram ki, tezliklə terrorla mübarizədə Türkiyə qalib olacaq" - DEPUTAT

"Tarix boyu PKK törətdiyi müxtəlif terror aktları ilə qardaş Türkiyəni zəiflətməyə və bölgədəki rolunu sarsıtmağa çalışır".

Bunu Sonxeber.az-a danışan deputat İqbal Məmmədov bildirib.

Deputat vurğulayıb ki, PKK-nın dünən Türkiyə Daxili İşlər Nazirliyinin binası yaxınlığında törətdiyi terror aktı nəticəsində iki polis yaralanıb:

"Ankarada Daxili İşlər Nazirliyinin binası yaxınlığında törədilən terror aktını pisləyir və yaralanan polislərə Allahdan şəfa diləyirəm. Qardaş Türkiyə özünü müdafiə etməyə qadir olan güclü dövlətdir. İnanıram ki, tezliklə terrorla mübarizədə Türkiyə qalib olacaq. Qardaş Türkiyə uzun müddətdir ki, terrordan əziyyət çəkən dövlətlərdən biridir. PKK və digər terror təşkilatı hər zaman Türkiyəyə qarşı xain və məkrli planlar qurmaqdadırlar. Məhz buna görə də Türkiyə daxildə və Suriyada, İraqda daim antiterror əməliyyatları keçirir. Azərbaycan hər zaman Türkiyənin yanındadır. Azərbaycan da Türkiyə kimi terrorizmindən əziyyət çəkən ölkədir. Tarix boyu biz erməni terrorrizimindən əziyyət çəkmişik.Terrorla yalnız bir ölkə mübarizə apara bilməz. Bütün ölkələr həmrəy olub, terrorla birgə mübarizə aparmalıdır. Terror dünya ölkələrin birgə probleminə çevrilməlidir. Təəssüf ki, qardaş Türkiyədə də terror halları tez-tez baş verir. Bu gün heç bir ölkə terrordan sığortalanmayıb. Biz bunu 23 il öncə sentyabrın 11 Nyu-Yorkda törədilən terror aktında gördük. Terror nəticəsində 2977 nəfər ölüb, 6300 nəfərə yaxın isə yaralanıb. 23 il öncə Nyu-Yorkda baş verənləri bir daha sübut edir ki, istənilən ölkədə terror təhlükəsi var. Ona görə də düşünürəm ki, terrrorla mübarizədə bütün ölkələr birlik olmalıdır".

Telegramda izləyin

instagramda izləyin