Azərbaycanda erməni əsilli vətəndaşların hüquqları necə qorunacaq?

İstiqamət: İnsan hüquq və azadlıqlarının müdafiəsi, vətəndaşların hüquqi, siyasi, mədəniyyət səviyyəsinin yüksəldilməsi, sosial və siyasi fəallığının artırılması

Azərbaycan keçirdiyi antiterror əməliyyatının nəticəsində Qarabağa tam nəzarəti ələ keçirdi. Erməni əsilli Qarabağ sakinləri oranı tərk etsələr də, bir çoxunun Azərbaycana qayıdıb vətəndaşlıq alması gözlənilir.

Azərbaycan Qarabağ ermənilərinin hüquqlarını qoruyacağını bildirir.

Mövzu ilə bağlı Sonxeber.az-a danışan hüquqşünas Əsabəli Mustafayev bildirib ki, erməni əsilli vətəndaşlar üçün xüsusi bir qanunvericilik aktına ehtiyac yoxdur. Çünki Azərbaycanda qanunlar milli mənsubiyyətindən asılı olmadan hamını müdafiə edir:

"Erməni əsilli Qarabağ sakinlərinin öz evlərində qalıb yaşaması üçün heç bir əngəl yoxdur. Azərbaycan hökuməti prezident səviyyəsində elan etdi ki, onlar bizim vətəndaşlarımızdır. Azərbaycan ərazisində yaşayan digər vətəndaşlar kimi bütün hüquq və azadlıqlara malikdirlər. Qarabağda erməni əhalinin hər hansı zorakılığa məruz qaldığını görmürük. Rus və erməni mətbuatı bizə qarşı qərəzli olsalar belə onlarda da belə məlumatlara rast gəlinmir. Artıq orada Azərbaycan Miqrasiya İdarəsinin nümayəndələri oturublar. Onlar müraciətlərə baxırlar. Azərbaycan vətəndaşlığına keçmək istəyənlərin araşdırmaları aparılır. Güman edirəm ki, əli qana batmamış, böyük cinayət əməli törətməmiş hər bir erməni əsilli sakin rahatlıqla qalıb yaşaya biləcək. Artıq xüsusi bir qanunvericilik aktına ehtiyac yoxdur. Bizdə qanunlar milli mənsubiyyətindən asılı olmadan hamını müdafiə edir. Həmin sakinlərin gündəlik həyatını təmin etmək üçün orada tibbi yardım xidməti, kommunal təminat var. Onların rahat yaşaması üçün nə lazımdırsa, hamısı təmin olunub".

Hüquqşünas əlavə edib ki hər bölgədə olduğu kimi Qarabağda da cinayət ola bilər. Ancaq bunun ermənilərin milli mənsubiyyətinə görə olacağı gözlənilmir:

"Digər şəhər və rayonlarda cinayət olduğu kimi Qarabagda da cinayət olanda polis tərəfindən adekvat münasibət göstəriləcək. Ora köçən əhali də başa düşür ki, artıq müharibə bitib. Baxmayaraq ki, böyük itkilərimiz olub, azərbaycanlılar uzun illər məcburi köçkün həyatı yaşayıblar, yaxınlarını itiriblər, onlar başa düşür ki, bu dövrü atlamaq lazımdır. Mən inanmıram ki, onlardan kimsə erməni əsilli şəxslərdən qisas almaq, hər hansı cinayət törətmək istəyində olsun. Uzun müddət lazımdır ki, yerli əhali bir-birinə uyğunlaşsın, ağrılar bir az unudulsun. Ancaq ciddi bir hadisənin baş verəcəyinə inanmıram. Cinayət hadisəsi hər yerdə olur. Ancaq bunun etnik zəmində olacagına inanmıram. Qarabağda cinayət törədən Sumqayıtda, Bakıda da yaşasaydı cinayət törədəcəkdi".

Material Azərbaycan Respublikasının

Şəbnəm Lətifi

Telegramda izləyin

instagramda izləyin