BMT Qarabağa niyə gəlib? " Bu Azərbaycanın Qarabağda etnik təmizləmə aparmadığını sübut etmək üçün ÖNƏMLİDİR" -POLİTOLOQ

BMT-nin missiyası dünən Qarabağa gəlib. Missiyanın üzvləri səhər saatlarında Ağdamdan keçərək, Əsgəran-Xankəndi istiqamətində hərəkət edib. Missiyanın tərkibinə təşkilatın müxtəlif qurumlarının nümayəndələri daxildir. BMT missiyası Qarabağda sonuncu dəfə təxminən 30 il əvvəl olub. Bəs bunun səbəbi nədir?

Məsələ ilə bağlı politoloq Tural İsmayılov BiG.AZ-a açıqlama verib.

"BMT missiyasını Azərbaycan özü Qarabağa dəvət edib. Bu gün guya Qarabağda ermənilərə qarşı hansısa "etnik təmizləmə" aparılır. Erməni lobbisi və bu lobbiye bağlı olan xarici media qurumları Azərbaycana qarşı yalan xəbər hücumları həyata keçirirlər. Buna görə də regiondakı vəziyyəti əyani şəkildə nümayiş etdirmək, problemləri həll etmək üçün mütləq şəkildə xarici təşkilatlar Qarabağa getməli və yoxlamalar aparmalıdır.

Onlar Qarabağdakı hadislər ilə yerində tanış olmalıdırlar. Bu bizim ölkəmiz üçün müstəsna əhəmiyyətə malikdir. Hesab edirəm ki, BMT-nin Qarabağa gəlməsi, burada yaşayan ermənilərdən daha çox, erməni lobbisinin oyununa çevrilmiş təşkilatı, reallığa qovuşdurmaq məqsədi daşıyır. Bu səfər müxtəlif ərazilərdə olacaq ki, BMT missiyası Azərbaycan dövlətinin hansısa etnik təmizləmə aparmadığını bir daha görmüş olsun. Eyni zamanda bu səfərin nəticələri dərc olunacaq.

Bu gün BMT dünyanın ən nüfuslu teşkilatı hesab edilir. BMT müşahidə missiyasının hesabatları da, ciddi ettibar edilən hesabatlardır. Erməni monipulyasiyalarına inanıb, Azərbaycana təziq edəcək qüvvələr olsa da, hər halda bizim üçün BMT səviyyəsində yekun nəticə əldə olunacaq. Bu nəticə siyasi dayaq üçün önəmlidir".

Telegramda izləyin