"İran Ermənistan-Azərbaycan sərhədinə müşahidəçi göndərməyə hazırdır"- General-mayor Məhəmməd Hüseyn Baqiri

"İran Ermənistan və Azərbaycan sərhədlərinə müşahidəçi göndərməyə hazırdır".

Sonxeber.az xəbər verir ki, bu sözləri İran Silahlı Qüvvələrinin Baş Qərargah rəisi general-mayor Məhəmməd Hüseyn Baqiri Ermənistan Təhlükəsizlik Şurasının katibi Armen Qriqoryanla görüşündə deyib.

Baqiri deyib ki, İran Qafqaz regionunda gərginliyin azaldılmasına töhfə verməyə hazırdır.

O, həmçinin bölgədəki mübahisələrin və gərginliyin aradan qaldırılması üçün tədbirlər görməyə çağırıb.

İranın hərbi rəsmisi vurğulayıb ki, heç bir ölkənin müdafiə qabiliyyətinin artırılmasının arxasında heç bir təcavüzkar məqsəd və ya niyyət olmamalıdır.

Qriqoryan isə öz növbəsində İran hərbi rəsmisinə Qafqaz regionunda baş verən son hadisələr barədə məlumat verib.

Telegramda izləyin