Bayden: "İsrailə olan dəstəyim möhkəm və sarsılmazdır"-VİDEO

HƏMAS-ın hərbi qanadı Qəssam Briqadalarının İsrailə qarşı həyata keçirdiyi Əl-Əqsa "Tufan" əməliyyatı ABŞ-ı hərəkətə keçirib.

BiG.AZ xarici mənbəyə istinadən xəbər verir ki, mühasirəyə alınmış Qəzzanı intensiv bombardman edən İsrail rəhbərliyinə dəstək verdiyini açıqlayan ABŞ prezidenti Co Bayden ABŞ donanmasına bölgəyə yola düşmə əmri verib.

Ağ Evdən verilən açıqlamaya görə, ABŞ donanması, aralarında dünyanın ən böyük təyyarədaşıyan gəmisi "USS Gerald R. Ford" da olduğu donanmanı dəstək üçün İsrailə göndərəcək. Bəyanatın davamı olaraq, ABŞ prezidenti Bayden və İsrailin baş naziri Benyamin Netanyahu arasında bu səhər telefon danışığı olduğu bildirilib.

Telefon danışığı zamanı Bayden İsrailə tas dəstəyini xatırladıb. Prezident həmçinin bildirib ki, İsrail Müdafiə Qüvvələrinə əlavə yardım indi İsrailə doğru gedir və yaxın günlərdə daha çox yardım gələcək. Digər tərəfdən, bölgəyə göndəriləcək sözügedən gəmilərin mümkün böyük bir müharibə vəziyyətində İsraildəki ABŞ vətəndaşlarının təxliyyəsi üçün istifadə ediləcəyi də iddia edilib.

Bayden bununla yanaşı bəyanatında "Mənim administrasiyamın İsrailə dəstəyi möhkəm və sarsılmazdır" ifadələrini işlədib. İsrail və Fələstindən başqa münaqişə tərəflərinə adlarını çəkmədən səslənən Bayden, "İcazə verin, bunu ən açıq şəkildə ifadə edim. İndi İsrailə düşmən olan hər hansı bir tərəfin bu hücumlardan yararlanacağı bir dövr deyil. Dünya bunu izləyir" sözlərini deyib.

Telegramda izləyin