"O biri terrorçular kimi Vitali Balasanyan da tezliklə layiq olduğu cəzanı alacaqdır" - DEPUTAT

"Bu gün Azərbaycan öz gücünə ərazi bütövlüyünü bərpa edən güclü dövlətdir".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, əlləri soydaşlarımızın qanına bulaşmış Araik Arutyunyanın, Bako Sahakyan, Arkadi Qukasyan, Davit İşxanyan, David Babayan, Ruben Vardanyan və Davit Azati Manukyanın həbsi Azərbaycanın gücünü bir daha bütün dünyaya sübut etdi:

"30 ilə yaxındır ki, xalqımıza qarşı müxtəlif terrorlar, soyqırımlar və cinayətlər törədənlər qanunla layiq olduqları cəzanı alacaqlar. Torpaqlarımızın işğalında xüsusi rolu olan, əsir götürülən azərbaycanlılara qarşı ağır işgəncələr verərək onları vəhşicəsinə qətlə yetirənlərdən biri də Vitali Balasanyandır. Vitali Balasanyan Qarabağda erməni quldur dəstələrindən birinə rəhbərlik edib. Vitali Balasanyan təkbaşına 5 gün ərzində gecə-gündüz vuruşaraq düşmənə qan udduran, Azərbaycanın mərd oğullarından biri olan Natiq Qasımova ağır işgəncələr verərək qətlə yetirib. İnanıram ki, o biri terrorçular kimi Vitali Balasanyan da tezliklə layiq olduğu cəzanı alacaqdır".

Deputat vurğulayıb ki, 30 ilə yaxındır xalqımız erməni vəhşiliyinin qurbanı olub:

"Artıq pis günlər geridə qalıb. Bu gün cənab prezident İlham Əliyevin uzaqgörən, müdrik siyasəti və düşünülmüş addımları sayəsində Azərbaycan bütün cəbhələrdə qalib gələn dövlətdir. 44 gün davam edən Vətən müharibəsində Ali Baş Komandan İlham Əliyev rəhbərliyi ilə Azərbaycanın Müzəffər Ordusu ölkəmizin ərazi bütövlüyünü bərpa etdi. Ordumuzun 44 günlük Vətən müharibəsində istifadə etdiyi döyüş taktikası dünya hərb tarixində yeni səhifə açdı. Bu gün qarşımızda böyük hədəflər var. Hər İnanıram ki, qarşımıza qoyduğumuz bütün hədəflərə cənab prezident İlham Əliyevin müdrik və uzaqgörən siyasəti nəticəsində nail olacağıq".

Telegramda izləyin