"Azərbaycanın rus sülhməramlılarının mandatını daha 5 il uzatmaq fikri yoxdur"- Elman Nəsirov -VİDEOMÜSAHİBƏ

"Cənab prezidentin mövqeyi bundan ibarətdir ki, rus sülhməramlıları Qarabağda 5 il qalsın.İmzaladığımız sənəddə qeyd olunub ki, tərəflərdən biri etiraz etməsə, rus sülhməramlılarının mandatı uzadıla bilər. Belə olan halda, biz etiraz edirik. Azərbaycanın rus sülhməramlılarının mandatını daha 5 il uzatmaq fikri yoxdur.Artıq tam suverenlik təmin edilib, Qarabağda əli silahlı erməni qalmayıb. Erməni əhalisi Qarabağdan könüllü çıxıb. Azsaylı erməni qalıb. Ola bilər ki, rus sülhməramlıları qalan azsaylı erməniləri təhlükəsizliyini əsas götürümək istəyirlər".

Bu sözləri Milli Məclisin deputatı, siyasi elmlər doktoru professor Elman Nəsirov Sonxeber.az-a müsahibəsində Rusiya Xarici İşlər Nazirliyinin Qarabağda rus sülhməramlılarının mandatının 5 il daha uzadılma ehtimalı barədə bəyanatına münasibət bildirərkən deyib.

Deputat qeyd edib ki, Cənubi Qafqazda Rusiya və Qərbin maraqları toqquşur.

"Bir yandan Qərb, xüsusilə Vaşinqton, Brüssel, Paris, digər tərəfdən Moskva Qarabağ bölgəsində bir-birilərinə ciddi rəqib kimi baxırlar. Sülh müqaviləsinin imzalanması ilə bağlı yekun qərar Moskvada verilsə, Vaşintqton və Brüssel üçün bu, qəbuledilməz sayılır. Halbuki hər biri bölgədə uzunmüddətli və dayanıqlı sülhdən danışır. Müqavilə Brüssel, Vaşinqton, Parisdə bağlansa, Moskva hesab edir ki, Qərb monopoliyanı ələ almaq istəyir, Ukraynada olduğu kimi Cənubi Qafqazda üsyan çıxarmaq istəyir" ,- deyə deputat əlavə edib.

Elman Nəsirov həmçinin İsrail-Fələstin konflikti ilə bağlı sualları da cavablandırıb.

Şəbnəm Lətifi

Telegramda izləyin