"Beynəlxalq ictimaiyyəti Ermənistana təzyiq göstərməli və minalanmış sahələrinin dəqiq xəritələrini verməsini tələb etməlidi" - DEPUTAT

Füzuli rayonunun Aşağı Veysəlli kəndi ərazisində 2 mülki şəxs minaya düşüb.İlkin məlumata əsasən tank əleyhinə mina partlayışı nəticəsində Qazel markalı maşının sürücüsü 1987-ci il təvəllüdlü Əbilov Famil İlyas oğlu həlak olub, Kamaz tipli yük maşınının sürücüsü 2000-ci il təvəllüdlü Bayramov Namaz Nəbadi oğlu xəsarət alıb.

Bununla bağlı Sonxeberə.az-a danışan deputat Cavanşir Paşazadə bildirib ki, ermənilərin ölkəmizə qarşı mina terroru davam edir:

"Ermənilərin növbəti mina terroru nəticəsində bir vətəndaşımızın biri yaralandı, digəri isə yaralanıb. Ermənistan tərəfindən törədilən mina terrorunun qurbanların sayı 333-ə çatıb. 44 günlük Vətən müharibəsindən sonra işğaldan azad edilmiş 2020-ci ildən sonra Ermənistanda istehsal olunmuş çoxlu sayda minalar tapılıb. Ermənistanın erməni terroru nəticəsində hərbçilərlə yanaşı, sivil insanlar, öz peşə vəzifəsini yerinə yetirməyə çalışan soydaşlarımız həlak olmuş və yaralanmışdır. Beynəlxalq ictimaiyyəti bu məsələdə Ermənistana təzyiq göstərməli və minalanmış sahələrinin dəqiq xəritələrini verməsini tələb etməlidi".

Telegramda izləyin