"Bu gün Müstəqillik Gününün Bərpasını qalib ölkənin vətəndaşları kimi qeyd edirik" - DEPUTAT

"Bu gün Azərbaycan xalqı olaraq dövlət müstəqilliyimizin bərpasının 32 illiyini qeyd edirik".

Bunu Sonxeber.az-a danışan deputat Cavanşir Paşazadə bildirib.

Deputat vurğulayıb ki, 32 il əvvəl yəni 1991-ci il oktyabrın 18-də Azərbaycan Respublikası Ali Soveti Dövlət müstəqilliyi haqqında Konstitusiya Aktını qəbul edib:

"Oktyabrın 8-də işə başlayan növbədənkənar sessiya Dövlət müstəqilliyi haqqında Konstitusiya Aktını dörd gün ərzində mzakirə etdi. 1991-ci il oktyabrın 18-də Ali Sovetin sessiyasında sənəd qəbul edildi. Cənab prezident İlham Əliyevin təşəbbüsü ilə Milli Məclis 2021-ci il oktyabrın 15-də "Müstəqillik Günü haqqında" yeni Qanunu təsdiqlədi. Qəbul olunan qanuna əsasən, mayın 28-i Müstəqillik Günü, oktyabrın 18-i isə Müstəqilliyin Bərpası Günü elan olundu. Artıq 3 ildir ki, bu günü qalib xalqın nünayəndələri kimi qeyd edirik.

Bilirsiniz ki, həmin dövrdə ölkəmizdə vəziyyət heç də ürəkaçan deyildi. Xalqımız 1990-cı illərin əvvəllərində yenicə bərpa etdiyi müstəqilliyini itirmək təhlükəsi ilə üz-üzə qalmışdı. Xalqımız başına gətirilən zülümlər qarşısında möhkəm iradə göstərərək öz müstqiliyinə sahib çıxdı. 1993-cü ildə xalqımızın arzu və istəyi ilə Azərbaycana geri qayıdan Ulu Öndər Heydər Əliyev siyasi fəaliyyəti və zamanında atdığı düşünülmüş addımları sayəsində dövlət müstəqilliyimizi əbədi etdi.

İlk olaraq ulu öndər Heydər Əliyev ölkədə hökm sürən xaos və anarxiyanı aradan qaldırdı. Ən önəmlisi isə ümumilli lider Heydər Əliyev yürütdüyü uğurlu siyasət nəticəsimdə cəmiyyətdə hökm sürən iqtisadi, siyasi və psixoloji gərginliyə son qoyuldu. Bir sözlə ulu öndər Heydər Əliyevlə dövlət müstəqilliyimiz sağlam təməllər üzərində yeni inkişaf yoluna qədəm qoydu. Bir sözlə müstəqilliyimizin əbədiləşdirməsi ümumilli lider Heydər Əliyevin adı ilə bağlıdır".

Deputat vurğulayıb ki, ulu öndər Heydər Əliyevin müstəqilliyimizin qorunub saxlanılması və möhkəmləndirilməsi istiqamətində başladığı uğurlu siyasət bu gün cənab prezident İlham Əliyev tərəfindən layiqində davam etdirilir:

"Ali Baş Komandan İlham Əliyev 20 illik prezidentlik dövründə həm xalqına verdiyi sözü yerinə yetirdi, həm də ulu öndər Heydər Əliyevin ən böyük arzusu olan Qarabağımızı azadlığına qovuşdurdu. Bu gün müstəqillik günümüzün bərpası gününü qalib ölkənin vətəndaşları kimi qeyd edirik. Bu möhtəşəm sevinc dolu zəfərləri bizə yaşadan Ali Baş Komandana və Azərbaycanın Müzəffər ordusuna təşəkkür edirəm".

Telegramda izləyin