İçkili halda qəzatörədən rəislə bağlı iş yekunlaşdı - Azərişıq sədri ona vəzifə vermişdi!

İçkili halda qəza törədildiyi deyilən "Azərişıq" Regional İdarəsinin "Qaraj" rəisi Əhməd Əhmədovun istintaqı yekunlaşıb.

32gun.az-ın məlumatına görə, təqsirləndirilən şəxs qismində Əhmədov Əhməd Heybətqulu və Hətəmov Ülvi Cəmşid oğlu tanınıb.

Hadisə zamanı Manafov Azər Yusif oğlu aldığı xəsarətdən dünyasını dəyişsə də, zərərçəkmiş qismində İbrahimli Çingiz Nicat oğlu tanınıb.

Toplanmış sübutlar əsasında Əhmədov Əhməd Heybətqulu və Hətəmov Ülvi Cəmşid oğlu Cinayət Məcəlləsinin Hərəkət Təhlükəsizliyi Və Nəqliyyat Vasitələrinin Istismari Qaydalari Əleyhinə Olan Cinayətlər (262-270) - 263.3 maddələrilə yekun ittiham elan edilib və cinayət işi aidiyyəti üzrə baxılması üçün Şəki Ağır Cinayətlər Məhkəməsinə göndərilib.
Hazırlıq iclası 19.10.2023-cü il tarixində hakim Tural Əfəndizadənin sədrliyi ilə baxılacaq.

32gun.az-ın məlumatına görə, "QAZ-3110" markalı avtomobil də "Azərişıq" Regional İdarəsinə məxsus olub. Avtomobili idarə edən Əhməd Əhmədov "Azərişıq" Regional İdarəsində "Qaraj" rəisidir.

İddia edilir ki, həmin gün içkili halda 1961-ci il təvəllüdlü Əhmədov Əhməd Heybətqulu oğlu idarə etdiyi "QAZ-21031" markalı avtomobillə Mingəçevir şəhəri ərazisində hərəkətdə olarkən qarşıdan gələn həmin şəhər sakini, 1987-ci il təvəllüdlü Hətəmov Ülvi Cəmşid oğlunun idarə etdiyi "Mercedes Benz C" markalı avtomobillə toqquşub.

Qeyd edək ki, bu ilin yanvar ayında Mingəçevirdə yanvarın 13-ü saat 18 radələrində Mingəçevir şəhər sakini, 1961-ci il təvəllüdlü Əhmədov Əhməd Heybətqulu oğlu idarə etdiyi "QAZ-21031" markalı avtomobillə Mingəçevir şəhəri ərazisində hərəkətdə olarkən qarşıdan gələn həmin şəhər sakini, 1987-ci il təvəllüdlü Hətəmov Ülvi Cəmşid oğlunun idarə etdiyi "Mercedes Benz C" markalı avtomobillə toqquşub. Nəticədə Əhməd Əhmədovun özü, həmin avtomobilin sərnişinləri - 1962-ci il təvəllüdlü Cavadov Yolçu Dilən oğlu, 1983-cü il təvəllüdlü Manafov Azər Yusif oğlu, habelə "Mercedes Benz C" markalı avtomobildə olan sürücü Ülvi Hətəmov, həmin avtomobildə olan sərnişin, 2007-ci il təvəllüdlü İbrahimov Çingiz Nicat oğlu, 2009-cu il təvəllüdlü Rəsulzadə Turan Vüsal oğlu və 1989-cu il təvəllüdlü Novruzov Nicat Salman oğlu müxtəlif dərəcəli bədən xəsarətləri alaraq Mingəçevir şəhər mərkəzi xəstəxanasına aparılıb. Manafov Azər Yusif oğlu aldığı bədən xəsarətlərindən saat 19 radələrində Mingəçevir Şəhər Mərkəzi xəstəxanasında ölüb.

Telegramda izləyin