Ermənistan və Fransanın müdafiə nazirləri hərbi əməkdaşlığı müzakirə edəcək

Ermənistanın müdafiə naziri Suren Papikyan və onun fransalı həmkarı Sebastien Lekornu Fransada keçirəcəkləri görüşdə hərbi əməkdaşlıq məsələlərini müzakirə edəcəklər.

Sonxeber.az xəbər verir ki, bu barədə erməni mətbuatı məlumat yayıb.

"Müdafiə naziri Fransada rəsmi səfərdədir və həmkarı ilə görüşəcək", - deyə parlamentin müdafiə və təhlükəsizlik məsələləri komitəsinin sədri Andranik Köçəryan jurnalistlərə Papikyanın səfəri və silah tədarükü sazişinin mümkün imzalanması ilə bağlı sualı cavablandırıb.

"Bu görüşdə çoxsaylı məsələlər müzakirə olunacaq və hərbi əməkdaşlığın müəyyən elementləri müzakirə olunacaq.İstənilən dövlət əməkdaşlıq dairəsini artırmalı, siyasi məsələlərə dostlarını da daha çox cəlb etməlidir. 44 Günlük Müharibə bir işarə idi ki,bütün bu platformalarda ciddi iş görməliyik və təkcə dostlarımız yox, həm də ilk növbədə təhlükəsizlik mühitimizi daha inklüziv etməyə yönəlmiş münasibətlərimiz olmalıdır. Ölkəmizin sabitliyi ilə bağlı bütün məsələlər öz düzgün həllini tapsın/", - Köçəryan əlavə edib.

Fransanın müdafiə naziri daha əvvəl "Le Parisien" qəzetinə bildirib ki, Ermənistan və Fransa hərbi təchizatla bağlı saziş imzalayacaqlar. Fransanın müdafiə naziri Sebastyan Lekornu bildirib ki, saziş Ermənistana öz hava məkanının mühafizəsini təmin etməyə imkan verəcək.

Telegramda izləyin