"Azərbaycanın Brüssel görüşündən imtina etməsi öz dövlətçiliyinə, müstəqilliyinə hörmətdir" - Aydın Mirzəzadə

Azərbaycan Prezident İlham Əliyev, Ermənistanın Baş naziri Nikol Paşinyan və Avropa İttifaqı Şurasının prezidenti Şarl Mişel arasında oktyabrın sonunadək Brüsseldə keçirilməsi planlaşdırılan görüşdən imtina edib.

Milli Məclisin deputatı Aydın Mirzəzadə Sonxeber.az-a bildirib ki, nəticəsi indidən Azərbaycanın maraqlarına cavab verməyən hansısa görüşdə iştirak etmək əlbəttə düzgün olmazdı. Azərbaycanın bu görüşdən imtina etməsini öz dövlətçiliyinə, müstəqilliyinə hörmətdir.

O qeyd edib ki, son dövrlərdə Azərbaycan və Ermənistan rəhbərləri arasında keçirilən görüşləri təşkil edənlər bir qayda olaraq anti-Azərbaycan mövqeyindən çıxış edir:

"Bakı o zaman görüşlərə razılıq verir ki, o görüşlərdə sözün əsl mənasında konstruktiv danışıqlar gedir. Vasitəçilər isə hansısa tərəfi tutmayaraq neytral olur,beynəlxalq hüquq normalarını əsas götürürlər. Təəssüf ki, son dövrlərdə Azərbaycan və Ermənistan rəhbərləri arasında keçirilən görüşləri təşkil edənlər bir qayda olaraq anti-Azərbaycan mövqeyindən çıxış edir. Digər tərəfdənsə, görüşləri təşkil etməyə çalışırlar. Bu, onu göstərir ki, onlar münasibətlərdə səmimi deyillər. Azərbaycanı maraqlarına zidd olan qərarlar qəbul etməyə məcbur etmək istəyirlər. Nəticəsi indidən Azərbaycanın maraqlarına cavab verməyən hansısa görüşdə iştirak etmək əlbəttə düzgün olmazdı. Azərbaycanın bu görüşdən imtina etməsini öz dövlətçiliyinə, müstəqilliyinə hörmət kimi qiymətləndirirəm".

Telegramda izləyin