"Azərbaycandan başqa heç bir dövlətin Qarabağa dair maraqları reallaşa bilməz" - DEPUTAT

Azərbaycan Prezident İlham Əliyev, Ermənistanın Baş naziri Nikol Paşinyan və Avropa İttifaqı Şurasının prezidenti Şarl Mişel arasında oktyabrın sonunadək Brüsseldə keçirilməsi planlaşdırılan görüşdən imtina edib.

Bununla bağlı Sonxeber.az-a danışan deputat Müşfiq Cəfərov bildirib ki, növbəti Brüssel görüşü baş tutmayacaq:

"Bunun səbəbi cənab prezidentin bu görüş üçün vaxtının olmamasıdır. Düşünürəm ki, bu bir növ Brüssel görüşün vasitəçi və tərəflərinə vaxt verilməsi kimi də qiymətləndirilməlidir. Çünki Azərbaycan tərəfi heç bir halda Fransanın vasitəçiliyini obyektiv qiymətləndirmir. Fransa 30 il müddətə yaxın ATƏT-in Minsk qrupu olaraq böyük bir fəaliyyətsizlik, qeyri-konstruktiv mövqe nümayiş etdirdi. Bütün bu prosesləri nəzərə alaraq Azərbaycan Fransanın bu məsələdə obyektiv olacağına inanmır. Həm görüşdə niyə məhz ermənipərəst vasitəçilər iştirak etsin, bir halda ki Azərbaycan tərəfi bütün görüşlərdə öz iradəsi daxilində iştirak edir. Dövlət başçısının uzaqgörən siyasətinin nəticəsidir ki, bu gün Azərbaycan xalqı qürurla yaşayır. Zənnimcə, bundan sonrakı proseslərdə cənab prezidentin iradəsi ilə dövlətimizin mənafeləri milli maraqlar baxımdan faydalı olacaq. Sonrakı proseslər haqqında ən aydın fikir olaraq onu deyə bilərəm ki, Azərbaycan prezidenti və diplomatiyası qalib olacaq. Azərbaycandan başqa heç bir dövlətin Qarabağa dair maraqları reallaşa bilməz".

Telegramda izləyin