"Paşinyan Rusiyanı Zəngəzur dəhlizinin nəzarətindən çıxarmaq istəyir" - POLİTOLOQ

Ermənistanın baş naziri Nikol Paşinyan Tbilisi Beynəlxalq İpək Yolu Forumunun açılış mərasimində iştirak edib. İştirak zamanı bir sıra məqamlara toxunub: "Cənubi Qafqazda gələcək nəqliyyat kommunikasiyalarının təhlükəsizliyini təmin etmək üçün Ermənistanın hüquq-mühafizə orqanlarında bölmə də yaradılır", - deyə N.Paşinyan əlavə edib. Bununla, Nikol Paşinyan nə demək istəyir?

Mövzu ilə bağlı BiG.AZ-a danışan politoloq Turab Rzayev deyib ki, Əslində Paşinyan açıq şəkildə daha əvvəl üstüörtülü, qapalı elan etdiyi bir məsələni , Ermənistanın Zəngəzur dəhlizi ilə bağlı tamamilə fərqli fikirdə olmasını ifadə edib:

"Əslində hamının fikirləşdiyi kimi Paşinyan Zəngəzur dəhlizinin əleyhinə deyil. Paşinyan Zəngəzur dəhlizinin Rusiyanın nəzarətində olmasının əleyhinədir. Sülh bəyanatının 9-cu maddəsinə əsasən Zəngəzur dəhlizi, Azərbaycan ərazisindən Naxçıvana maneəsiz keçəcək dəhliz Rusiya Rusiya təhlükəsizlik xidmətlərinin nəzarətində olmalıdır. Ancaq Ermənistan və havadarları Zəngəzur dəhlizinin Ermənistanın nəzarətində olmasını istəyir. Rusiyanın nəzarətində olmasını istəmir. Məhz buna görə Paşinyan vaxtaşırı olaraq Zəngəzur dəhlizi ilə bağlı sözləri tutmur".

Politoloq bildirib ki, ilk Brüssel görüşündə Paşinyan söz vermişdi ki, Zəngəzur dəhlizindən dəmiryol xəttinin çəkilməsinə icazə verəcək: "Daha sonra 3 tərəfli görüşdə bildirdi ki, Zəngəzur dəhlizi daxil olmaqla kommunikasiyaların hamısı açıqlacaq. Lakin bu sözləri yerinə yetirmədi. Bunu yerinə yetirməməkdə əsas məqsədi odur ki, Paşinyan Rusiyanı Ermənistan ərazisindən çıxartmaq istəyir. Rusiyanı 102-ci hərbi bazadan çıxartmaq istəyir, nəinki əlavə Zəngəzurda gətirib Rusiyanın yerində möhkəmlənməsinə şərait yaratsın. Bunu ən son Paşinyanın Avropa İttifaqındaki çıxışında belə aydın şəkildə görmək olar. Həmin çıxışda Paşinyan açıq şəkildə bildirdi ki, biz Azərbaycan və Türkiyədən şikayətçiyik. Çünki hər iki dövlət iddia edir ki, Ermənistanı blokadada saxlamaq istəyir. Əlbəttə ki, bu absurddur bir açıqlama idi".

Turab Rzayevin sözlərinə görə, əksinə Azərbaycan-Türkiyə tam əksinə müharibə bitən kimi elan etdi ki, biz Ermənistanla sərhədləri açmağa hazırıq:

"Kommunikasiya xətlərini açmağa hazırıq. Eyni zamanda, Azərbaycan dövləti ayrıca elan etdi ki, biz Türkiyənin Ermənistanla sərhədləri, kommunikasiya xətlərini, iqtisadi fəaliyyətlərinin bərpasının əleyhinə deyilik. Belə olan halda necə ola bilər ki, sən hər iki dövləti blokada da ittiham edirsən. Azərbaycan və Türkiyə tam əksinə səni strateji orta dəhlizə- Zəngəzur dəhlizinə ortaq etmək istəyir. Azərbaycan və Türkiyə, həm də Ermənistanın faydalansın. Bəs necə Azərbaycanı blokada da ittiham etmək olar. Burada əslində Paşinyan blokadadan çıxmaq istəyir. Bu çıxışdan bəllidir ki, Paşinyan Azərbaycan və Türkiyənin təklif etdiyi yolların açılması, kommunikasiyanın bərpa edilməsi təklifinə razıdır. Demək Zəngəzur yolunu açmağada hazırdır".

Politoloq qeyd edib ki, Ermənistan burada Rusiyanın bu yola nəzarət etmək istəklərini bəyənmir və qəbul etmir: "Qərb dövlətləridə Rusiyanın nəzarətinə razı deyil. Tbilisidə Paşinyanın çıxışıbdan aydındır ki, burada xüsusi qurumlar yaradılacaq. Fikri təsdiq edir ki, bizim Zəngəzur yolunda xüsusi gömrük və sənəd xidmətlərimiz olacaq. İndi açıq şəkildə deyir ki, həmin yolu qorumaq üçün hüquq-mühafizə orqanlarının qurumu olacaq. Bununla yanaşı, Paşinyan mesaj verir ki, biz Zəngəzur dəhlizini açacağıq, açdıqda isə Zəngəzur dəhlizinə öz hüquq mühafizə orqanları nəzarət edəcək. Rusiyanın heç bir halda yola nəzarət etməyinə imkan verməyəcəyik. Paşinyan burada Zəngəzur dəhlizinə yox, Rusiyanın təsirinə qarşı mübarizə aparır".

Telegramda izləyin