"Azərbaycanın Brüssel görüşündən imtina etməsində əleyhimizə təbliğat aparan dövlətlər günahkardır" - Ceyhun Məmmədov

Azərbaycan Prezident İlham Əliyev, Ermənistanın Baş naziri Nikol Paşinyan və Avropa İttifaqı Şurasının prezidenti Şarl Mişel arasında oktyabrın sonunadək Brüsseldə keçirilməsi planlaşdırılan görüşdən imtina edib.

Milli Məclisin deputatı Ceyhun Məmmədov Sonxeber.az-a bildirib ki, Azərbaycanın görüşdən imtina etməsində əleyhimizə təbliğat aparan dövlətlər günahkardır.

O qeyd edib ki, əvvəlki görüşlərdə Azərbaycan dəfələrlə iştirak etdi. Son proseslər onu göstərdi ki, danışıqların heç bir əhəmiyyəti olmadı:

"Azərbaycanın Brüssel görüşündən imtina etməsinin ciddi səbəbləri var.Təəssüflə qeyd etmək lazımdır ki, son vaxtlar Avropa İttifaqı Azərbaycan əleyhinə bir sıra təbliğat aparır, qətnamə qəbul edir.Əvvəlki görüşlərdə Azərbaycan dəfələrlə iştirak etdi. Son proseslər onu göstərdi ki, danışıqların heç bir əhəmiyyəti olmadı.Bu danışıqlarda tərəflər sadəcə Ermənistanın tərəfini saxladılar .Son proseslər bunu açıq aydın göstərdi. Əlbəttə ki, Azərbaycanın görüşdən imtina etməsində əleyhimizə təbliğat aparan dövlətlər günahkardır".

Telegramda izləyin