Ermənistan Türkiyə ilə münasibətlərinin müsbətə doğru gedəcəyini istisna etmir

Ermənistan Parlamentin spikeri Alen Simonyan Ermənistanın Türkiyə ilə münasibətlərinin tezliklə müsbətə doğru gedəcəyini istisna etmir.

Sonxeber.az xəbər verir ki, bu barədə erməni mərbuatı məlumat yayıb.

"Sülhün kəsişməsi" layihəsindən danışan Simonyan bildirib ki, bu layihə sülhə yönəlib və "dəhliz" mövzusu artıq aktual deyil və sülhlə bağlı söhbətlər təkcə Ermənistan tərəfindən deyil, həm də qonşu dövlətlərin rəhbərləri tərəfindən intensivləşib.

"Heç kim heç nəyi təslim etmir. Açıq yollar olacaq, ticarət olacaq, Ermənistanın iqtisadiyyatı inkişaf edəcək və nəhayət, sülh əldə edəcəyik. Baş nazirin çıxışından, eləcə də son məlumatlardan nəticə çıxararaq, istisna etmirəm ki, Türkiyə ilə münasibətlərimiz və sərhədlərimiz yaxın vaxtlarda müsbətə doğru irəliləyəcək", - deyə Simonyan jurnalistlərə deyib.

Telegramda izləyin