Möhsün Rezayi: Yaxın günlərdə Fələstində mühüm hadisələr baş verəcək

Yaxın günlərdə Fələstində mühüm hadisələr baş verəcək.

Bunu keçmiş "Sepah" komandiri, İran Məsləhət Şurasının üzvü Möhsün Rezayi deyib.

O bildirib: "Biz müharibə istəmirik, lakin müharibədən qorxmuruq. Fələstin, Livan, İraq, Yəmən və Suriyada müqavimət cəbhəsinin koordinasiyası var.Yaxın həftələrdə Fələstində əhəmiyyətli hadisələr yaşanacaq".

Rezayi qeyd edib: "İran niyə dünya problemləri, o cümlədən Fələstin, İraq, Suriya və digər məsələlərlə maraqlanır? Çoxlarınız bilirsiniz ki, niyə daxili sərhədlərlə məhdudlaşmamalıyıq. İran qələbə körpüsü və dünyanın ən mühüm geosiyasi kəsişməsi İrandan keçir".

Keçmiş "Sepah" komandiri vurğulayıb: "İran 500 milyon əhalisi olan 15 ölkənin qonşusudur, sərhədlərin cənubu və şimalı neft-qaz ehtiyatları ilə zəngindir. Regiondan kənar güclər ona hakim olarsa, onun ətrafındakı ölkələrin 500 milyonluq əhalisinə və resurslarına hakim olacaq".

Yenisabah.az

Telegramda izləyin