Aşıq Namiqin parkda döyülməsi ilə bağlı TƏFƏRRÜAT

Tanınmış aşıq Namiq Fərhadoğlu (Namiq Hüseynov) ötən gün Bakıdakı parkların birində döyülüb.

Sonxeber.az BAKU.WS-ə istinadən xəbər verir ki, buna səbəb 1982-ci il təvəllüvlü Namiq Hüseynovun 1967-ci il təvəllüdülü qadına söz atması olub.

Hadisə Bakının Nərimanov rayonunda yerləşən Dədə Qorqud parkı ərazisində baş verib.

Aşiq Namiq əvvəlcə qadına söz atıb. Bundan sonra qadının 1993-cü il təvəllüdlü oğlu parka gəlib. Nəticədə Namiq Hüseynovla qadının oğlu arasında mübahisə, daha sonra isə əlbəyaxa dava düşüb.

Tərəflərin davası daha sonra Nəsimi rayonu ərazisində davam edib. Bundan sonra hər iki şəxs döyülmə ittihamı ilə Daxili İşlər Nazirliyinin "102" xidməti zəng mərkəzinə müraciət edib.

Qeyd edək ki, qarşılıqlı döyülmə ilə bağlı DİN-ə edilən müraciət araşdırılır. Nəsimi Rayon Polis İdarəsinin 21-ci Polis Bölməsində işə baxılır. Xəsarətlərin dərəcəsini müəyyən etmək məqsədilə müvafiq ekspertiza təyin olunub.

Telegramda izləyin