Yarımmilyon manat vergi borcu olan şirkət DVX-ni məhkəməyə verdi

"1st Construction" MMC Dövlət Vergi Xidmətini məhkəməyə verib.

32gun.az xəbərə verir ki, DVX-nin qərarından narazı qalan şirkət Bakı şəhəri Qaradağ Rayon Məhkəməsinə üz tutub. MƏhkmə prosesi hakim Teymur Qurbanovun sədrliyi ilə baş tutacaq.

İnzibati Xətalar Məcəlləsinin 545-ci maddəsi ilə (İdarəçilik Qaydalari Əleyhinə Olan Inzibati Xətalar) şirkət barəsində protokol tərtib edilib.

Əldə etdiyimiz məlumata görə, dövlət qurumundan narazı qalan "1st Construction" MMC-nin hazırda 461 min 415 manat 69 qəpik vergi borcu mövcuddur.

Bildirək ki, nizamnamə kapitalı 20020 AZN olan şirkətin qanuni təmsilçisi Asif Baxşəliyev Əhkam oğludur.

Xatırladaq ki, myerli mediada gedən məlumatlara görə, "1st Construction" MMC-nin əvvəlki adı "Gilan İnşaat" MMC olub. Bundan sonra "1st Construction" MMC-nin nizamnamə kapitalı 20 manatdan 20 min 20 manata qaldırılıb.

Bildirirl ki, "Gilan" adı ilə fəaliyyət göstərən şirkətlər daha əvvəl fövqəladə hallar naziri Kəmaləddin Heydərovun ailə üzvlərinə məxsus olan "Gilan Holdinq"ə bağlı olublar. Adlı qeyd olunan şirkətlərə vaxtı ilə rəhbərlik edən Elvin İsmayılov gənclər və idman nazirinin sabiq müavini İsmayıl İsmayılovun oğludur.

Telegramda izləyin