Natəvan Babayevanın oğlu: "Bilmirdim ki, anam dünyasını dəyişər" - VİDEO

"Hər dəfə anamla harasa gedirdik. Ya da səhər oyanırdıq özü işə gedirdi, mən isə məktəbə aparırdı. Onunla birgə Türkiyəyə getdik. Gəmilərdən birində oturub sözhbət etdik. Bu an hələ də xatirimdədir".

Sonxeber.az xəbər verir ki, bu sözləri "O üz" layihəsinə açıqlamasında mərhum aparıcı Natəvan Babayevanın oğlu Əşrəf Tağıyev deyib.

O anasının ağır xəstəliyə tutulduğunu bilib. Lakin bir gün vəfat edəcəyindən xəbərsiz olub:

"Xəstələnəndən sonra anama ev işlərində mən də kömək edirdim. Bu xəstəliyin ağır olduğunu bildirdim. Babamda da bu xəstəlikdən var idi. Amma bilmirdim ki, anam dünyasını dəyişər".

Xatırladaq ki, Natəvan Babayeva bu ilin iyulun 20-də vəfat edib. Aparıcı uzun müddət idi onkoloji xəstəlikdən əziyyət çəkirdi. O AzTV, ANS kimi kanallarda xəbər aparıcısı kimi fəaliyyət göstərib. Ətraflı videoda:

Telegramda izləyin