Meksika Deputatlar Palatasında Azərbaycan Dostluq Qrupu ilə görüş baş tutub

Meksika Deputatlar Palatasında Azərbaycan Dostluq Qrupu ilə görüş baş tutubMilli Məclisin deputatları - Meksika ilə parlamentlərarası əlaqələr üzrə işçi qrupunun rəhbəri Jalə Əliyeva və Elşad Mirbəşiroğlu Meksikada işgüzar səfərdədirlər.

Bu barədə Azərbaycanın Meksikadakı səfirliyi məlumat yayıb.

Meksika-Azərbaycan parlamentlərarası dostluq qrupunun sədri Alberto Viya Viyeqasın dəvəti ilə baş tutan səfərin ilk günündə Milli Məclisin nümayəndə heyəti Mexiko şəhərində yerləşən Xocalı soyqırımı abidəsini ziyarət edib, Meksika Konqresinin inzibati binası və "Qanunvericilik Muzeyi" ilə tanış olub, o cümlədən Konqresin növbəti plenar iclasında iştirak edib.

Konqresin vitse-prezidenti öz növbəsində nümayəndə heyətimizi səmimi salamlayıb və Meksikada səfərdə görməkdən məmnunluq duyduqlarını bildirib.

Daha sonra Konqresin Deputatlar Palatasının sədri Marsela Kastiyo və Meksika-Azərbaycan parlamentlərarası dostluq qrupunun üzvləri ilə ikitərəfli görüşlər baş tutub.

M.Kastiyo bir neçə il öncə Azərbaycana səfərini xoş təəssüratlarla xatırlayıb, ölkəmizdə şahidi olduğu inkişafın və qonaqpərvərliyin onda dərin izlər buraxdığını qeyd edib. O, Milli Məclisin nümayəndə heyətinin Meksikaya səfərini yüksək qiymətləndirdiklərini bildirib və qarşılıqlı səfərlərin iki ölkə arasındakı parlamentlərarası əlaqələrin inkişafına əhəmiyyətli töhfə verdiyini vurğulayıb.

Meksika-Azərbaycan parlamentlərarası dostluq qrupunun üzvləri ilə keçirilmiş görüşdə qrupun sədri A.Viyeqas çıxış edərək, Meksikanın dost ölkə və mühüm tərəfdaş kimi qəbul etdiyi Azərbaycanla müxtəlif sahələrdə əməkdaşlıq əlaqələrini daha da inkişaf etdirməkdə maraqlı olduğunu diqqətə çatdırıb, bu il xalqımız tərəfindən anadan olmasının yüzilliyi qeyd olunan ümummilli lider Heydər Əliyevin dühası və əsasını qoyduğu layihələr sayəsində Azərbaycanın Avrasiyada mühüm nəqliyyat və enerji habına çevrildiyini bildirib.
A.Viyeqas bu il Meksika Deputatlar Palatasında ulu öndərin 100 illiyi ilə əlaqədar təşkil olunmuş tədbiri, eləcə də Azərbaycanın mədəniyyət paytaxtı, azadlığın rəmzi Şuşa şəhərinə səfərlərini böyük məmnunluqla yada salıb, 30 il ərzində etnik təmizləməyə məruz qalmış azərbaycanlıların öz doğma torpaqlarına layəqətlə və təhlükəsiz qayıdışının təmini məqsədilə həyata keçirilən işlərlə yerində tanış olduqlarını qeyd edib.

Azərbaycan-Meksika parlamentlərarası əlaqələr üzrə işçi qrupunun rəhbəri J.Əliyeva səfərə dəvətə görə təşəkkürünü bildirib, iki ölkə arasında münasibətlərin inkişafında parlamentlərarası dostluq qruplarının, o cümlədən parlament diplomatiyasının önəmli yer tutduğunu ifadə edib. Çıxışı zamanı J.Əliyeva Azərbaycanın Qarabağ bölgəsində cərəyan edən hadisələr, separatçılara qarşı antiterror tədbirlərinin keçirilməsini qaçınılmaz edən səbəblərdən bəhs edib, qarşılaşılan erməni mina terrorunun çətinliklərlərinə baxmayaraq, işğaldan azad edilmiş ərazilərdə fasiləsiz həyata keçirilən genişmiqyaslı bərpa-quruculuq işlərindən ətraflı söz açıb.

O, Azərbaycanın ərazi bütövlüyünü tam bərpa etməklə, regionda dayanıqlı sülhün yolunu açdığı, yeni reallıqların, qarşılıqlı faydalı əməkdaşlıq imkanlarının yarandığı qeyd olunub. Azərbaycanlı parlamentari Qoşulmama Hərəkatının ölkəmizin sədrliyi dövründə beynəlxalq müstəvidə geniş nüfuz qazanmasından danışıb, hazırda Hərəkat yanında müşahidəçi statusuna malik olan Meksikanın tezliklə bu beynəlxalq qurumun tamhüquqlu üzvünə çevriləcəyinə ümid etdiyini bildirib.

Görüşdə Milli Məclisin Meksika ilə parlamentlərarası əlaqələr üzrə işçi qrupunun üzvü Elşad Mirbəşiroğlu çıxış edərək, iki ölkə arasında müxtəlif platformalarda səmərəli əməkdaşlığın həyata keçirildiyinə diqqət çəkib, Azərbaycan tərəfinin keçmiş Qarabağ münaqişəsi ilə bağlı Meksika tərəfinin tutduğu ədalətli mövqeyi və Meksika Konqresinin Xocalı soyqırımını tanımasını hər zaman yüksək dəyərləndirdiyini bildirib.

Ölkəmizin Meksikadakı səfiri Məmməd Talıbov çıxışı zamanı iki ölkə arasında bir çox sahələrdə əməkdaşlıq əlaqələrinin inkişafı üçün geniş potensialın mövcud olduğunu diqqətə çatdırıb, effektiv parlament diplomatiyasının ikitərəfli münasibətlərin inkişafına əlavə təkan verdiyini vurğulayıb.

Görüş zamanı həmçinin iki ölkə arasında iqtisadi-ticari, turizm, mədəni-humanitar, təhsil və digər sahələrdə əməkdaşlığın inkişaf perspektivləri və bu istiqamətdə qanunverici orqanların rolu, qanunvericilik sahəsində təcrübə mübadiləsi barədə müzakirələr aparılıb.


Sonxeber.az Telegramda izləyin instagramda izləyin
Siyasət   Baxılıb: 296   Tarix: 26 noyabr 2023  

Şikayətiniz varsa Whatsapp: 051 7028255

Facebookda Paylaş


Oxşar xəbərlər

.

Abdullah Gül Prezident İlham Əliyevi təbrik edib

Türkiyənin 11-ci Prezidenti Abdullah Güldən Azərbaycan Prezidenti İlham Əliyevə təbrik məktubu gəlib. xəbər verir ki, məktubda deyilir:. "Hörmətli cənab Prezident. Qardaş Azərbaycan xalqının prezident seçkilərində Sizə bir daha etimad göstərməsini böyük məmnunluq hissi ilə qarşıladım. Ulu Öndərimi

23 fevral
.

Prezident Səudiyyə Ərəbistanı Kralını təbrik etdi

Prezident İlham Əliyev İki Müqəddəs Ocağın Xadimi, Səudiyyə Ərəbistanının Kralı Salman bin Əbdüləziz Al Səuda təbrik məktubu ünvanlayıb. "Qafqazinfo" xəbər verir ki, məktubda deyilir:. "Əlahəzrət,. Əziz Qardaşım,. 22 fevral – Səudiyyə Ərəbistanı Krallığının Təsis Olunması Günü münasibətil

22 fevral
.

Prezident Xocalı qurbanlarını sükutla yad etdi

Azərbaycan Prezidenti İlham Əliyev fevralın 26-da saat 17.00-da Xocalı soyqırımı qurbanlarının xatirəsini bir dəqiqəlik sükutla yad edib. xəbər verir ki, bu barədə Prezidentin Mətbuat xidməti məlumat yayıb

26 fevral
.

Qriqoryan: İrəvan Bakıdan sülh sazişi ilə bağlı növbəti təkliflər paketi alıb

Ermənistan Azərbaycandan sülh sazişi ilə bağlı növbəti təkliflər paketi alıb. "Report"-ə istinadən xəbər verir ki, bu barədə jurnalistlərə açıqlamasında Ermənistan Təhlükəsizlik Şurasının katibi Armen Qriqoryan məlumat verib. Onun sözlərinə görə, sülh sazişi layihəsi yaxın vaxtlarda iki ölkəni

21 fevral
.

"Ordubad" Dövlət Tarix-Mədəniyyət Qoruğu yaradılıb - SƏRƏNCAM

"Ordubad" Dövlət Tarix-Mədəniyyət Qoruğu yaradılıb. xəbər verir ki, bununla bağlı Prezident İlham Əliyev "Ordubad" Dövlət Tarix-Mədəniyyət Qoruğunun yaradılması haqqında" Sərəncam imzalayıb. Sərəncamda deyilir:. "Ordubad rayonu Azərbaycanın qədim yaşayış məskənlərindəndir

21 fevral
.

Prezident: "Antiterror tədbirləri göstərdi ki, Türkiyənin ordu modeli Azərbaycanda artıq tam oturuşub"

"İşbirliyimizin önəmli istiqaməti hərbi sahədə işbirliyidir. Bizim ordularımız bir yumruq anlamına gəlir". AZƏRTAC xəbər verir ki, bu sözləri Prezident İlham Əliyevin Türkiyə Prezidenti Rəcəb Tayyib Ərdoğan ilə mətbuata bəyanatında deyib. Dövlətimizin başçısı qeyd edib: "İkinci Qaraba

19 fevral
.

İlham Əliyev Xocalı və Xankəndidə olub - YENİLƏNİR

Fevralın 26-da Azərbaycan Respublikasının Prezidenti İlham Əliyev Xocalı şəhərində Xocalı soyqırımı memorialının təməlini qoyub, rayon ictimaiyyətinin nümayəndələri ilə görüşüb və onlarla birlikdə şəhərdə aparılan tikinti işləri ilə tanış olub. xəbər verir ki, sonra dövlətimizin başçısı və Xocalı rayo

26 fevral
.

Yaxın günlərdə Azərbaycan və Ermənistan nümayəndə heyətləri arasında görüş olacaq

"Azərbaycan və Ermənistan arasında sülh müqaviləsi ilə bağlı danışıqlarda müəyyən fasilə baş verib. Amma sülh müqaviləsinin mətni üzrə növbəti görüşlə bağlı müzakirələr gedir". -ın məlumatına görə, bunu jurnalistlərə açıqlamasında xarici işlər naziri Ceyhun Bayramov bildirib. Onun sözlərin

26 fevral
.

Süleyman Ələsgərovun 100 illik yubileyi qeyd ediləcək

Prezident İlham Əliyev Süleyman Ələsgərovun 100 illik yubileyinin qeyd edilməsi haqqında Sərəncam imzalayıb. Bununla bağlı məlumat yayıb. Sərəncama əsasən, Azərbaycan Respublikasının Mədəniyyət Nazirliyi Süleyman Ələsgərovun 100 illik yubileyi ilə bağlı tədbirlər planı hazırlayıb həyata keçirməlidir

22 fevral